عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الســــلام عليكم ورحمة الله وبركاته
حبيباتي الفراشات كيفكم ووش اخباركم
حبيت استفسر عن شغله والله يسعد كل من ردت علي وينولها اللي ببالها
انا ولدت قبل اربعين يوم الحمد والشكر لله
بس من يوم ولدت ماكان ينزل دم مني كثير وانتم بكرامه وكنت احيان اخذ باليوم واليومين مافي شي
وبعد الاسبوعين الاولى صار لون الدم بني بعدها صارت زي الافرازات صفراء وبيضاء
ويوم كملت الثلاثين يوم انقطع الدم بس كانت في افرازات بيضاء
واغتسلت وصليت ويوم الست وثلاثين من نفاسي رحت ركبت لولب
في البدايه نزل علي دم استحاضه وقالت لي الدكتوره على هذا الشي
بعدها بساعات صار لون الدم مثل لون دم الحيض واحيان بني مايل للسواد
وانا اعتقدت انو دم النفاس رجع لان الدكتوره قالت لي احتمال ينزل دم يوم الاربعين
المهم بعدها بكم يوم بديت احس بالام الدوره وانا الحين خلصت الاربعين لي يومين والدم مازال موجود والام الدوره
فابغاكم تفيدوني هل هي دورره ولالا
وهل اغتسل واصلي ولالا
وللعلم انا بكريه ومن كذا محتاره
ارجو انكم تردون علي بسرعه لان ودي اعرف هل علي صلاه ولالا
وشكرا مقدما
