الله يسعدكم ادخلوا..عندي مشكله ما خلتني في حالي..ومسببه لي التعب..

كيف حالكم..وش أخباركم..؟!

أنا عندي مشكله متعبتني مررررررره..وطول الأسبوع اللي راح متنكده منها ونحفت أكثر لأني ما عاد لي نفس للأكل..

اللي صار..

أنا أحب معلمة هندنا مووووووت..ومن صديقاتي بعد يحبونها..

جات يوم الأربعاء اللي راح مو أمس..مسكت وحده من زميلاتي في العلمي..

وجلست تكلمها..لأن البنت مو طبيعيه ومزعجه وشقيه..تمر من عند فصلها وترمي كلام ماله داعي..

فمسكتها وجلست تكلمها..

طبعاً جاء يوم السبت وقالت لي وحده من شلتها اللي هي صديقتي معي بفصلي..

صديقتي:شفتي الأستاذه يوم مسكت زميلتنا وجلست تكلمها..؟!

أنا:أيوه..وش فيها..؟!

صديقتي:قالت لها كلام شئ..

أنا:أيش قالت..؟!

صديقتي:قالت إنك يا زميلتنا وأسمها مشاعل..يا مشاعل أنا أحبك تعرفين يعني أيش أحبك..أنتي إذا ما مريتي من عند فصلي أتضايق ذاك اليوم..وصوت جزمتك لها ميوزيك رائع..وترى أوراقك حقت أولى للإنجليزي((هي معلمة إنجليزي))..أنتي الوحيد اللي أوراقك حقت الإختبارات لسه معي..غيرك ما أحتفظت بأوراقهم..

أنا:غريبه..كلامها ما أدري كيف شكله..

صديقتي:شفتي هي منافقه..

أنا سكت..وأعرف إن الأستاذه مستحيل تقول هالكلام..هي دايم تمدحني عند أولى دااااااائماً..حتى البنات المدرسه قالوا:إن الأستاذه تحبني وتموووت فيني..

أنا طبعاً أطنش..بس لساتي مستغربه من الكلام..

جلست طول يومي أمشي لوحدي بالمدرسه تقولون مجنونه..

لما جات الحصه السادسه رحت عند المدرسه وأستأذنت منها وجلست أكلمها..

وجلسنا نسولف بعيدن قالت إنها تعبت من المدرسه من كثر الإشاعات اللي يطلعونها عليها البنات..فقلت لها لا تقولين هالكلام..كثييييير يطلعون عليه إشاعات..

قالت:مثل أيش الإشاعات أكيد أنتي تعرفين..؟!

قلت:إن البنات يقولون إنك تحبيني وتموتين فيني..؟!

قالت كلمة دارت الدنيا فيني..ما توقعتها رح تقولها..

قالت:أيه أنا أحبك..فيها شئ..

أنا سكت من الإحراج..

فجلست تضغط علي وأقول لها إنك رح تفهميني غلط قالت:أنا معك من سنتين وما فهمتك غلط كيف الحين..والله جلسنا 5 دقايق لين علمتها بسالفة زميلتي مشاعل..

فقالت:أنا ما قلته..((هي أنصدمت مره من الكلام..))

قالت:أنا صح قلت إني أعزك وأحترمك..بس اللباقي ما قلته..ليه تكذب على لساني..

قلت:ما عليك أنا عن نفسي ما صدقت..

المهم جلست أسولف معها حصتين كاملة..وأنا خارجه أنا وياها..

قالت:الكلام اللي دار بينا لا يطلع..

قلت:أبشري..لا توصين حريصه..

طلعت ومشيت عادي..

اليوم الثاني نادتني وقالت لي:إن الكلام طلع وبزياده..

قلت:والله ما طلعت الكلام ولا جاء في بالي..

قالت:هذا العشم فيك..وأنا واثقه فيك..وهذي ضايعه اللي أنا أعرفها..

سكت وطلعت ويوم جاء يوم الثلاثاء وكان يوم مناوبنتها..كنت أنا تعبااااااااااااانه من البرد..وكأني مييييته..وهي تدري إني تعبانه..

جاء الحصه الأخيره ونادتني وحده من البنات وقالت إنها تبغاني..نزلت وأنا أعرج لأني رجلي فيها برد وما أقدر أمشي عليها..

نزلت وشفتها ماسكه بنات..أنا عرفت إنها عشان السالفه اللي قلتها لها..

أنا بغى يغمى عليّ..على زود التعب خلاص بمووووووت..

دخلت هي تقول اللي قلته..جلست عالكرسي وحطيت يدي على راسي من التعب..

جلست تخانق وتقول إني ما قت الكلام..وليه يا مشاعل تقولينه..

قالت مشاعل:أنا ما قلته واللي قالته خليها تجي قدامي الحين..

جلست الأستاذه تستفزها لين بكت وطلعت..

وقالت:هاه ياض ايعه الكلام صدق..؟!

قلت:ما أدري..

قالت لصديقتي اللي قالت لي:هاه يا علياء الكلام صدق..

صديقتي ما ردت..

قالت:أنا أعرف إن مشاعل ما تكذب..ومن هالكلام..وقالت:إن البنات اللي كانوا فوق راسي قدهم تحت الأرض..أنا جمدت من هالكلمة..عرفت إنها تقصدني..

وشوي قالت:يالله كل وحده على فصلها..

وجلست أنا في الغرفه وكل البنات طلعوا..وجات وقفت فوق رراسي..

وقالت:أنتي تعبانه..؟!

قلت:أيوه..

قالت:ليه تسوين كذا..يعني أنتي تكذبين..

قلت:أنا ما كذبت..بعدين علياء هي اللي قالت لي..وترى في غير هالكلام ما قلته..

قالت:يالله على فصلك..

وطلعت وضربت بالبا بقوة..

أنا دمعت عيوني وقمت وأنا يالله أشيل نفسي..

طلعت فوق وجلست مع صديقاتي وأنا مو حولهم..

طبعاً صفرت نهاية الحصص وبعدها النشاط..لمّا كنت عالدرج بكيييييييت..

وصديقتي تحاول فيني وأنا رايحه فيها..

ويوم جيت للدور الأول جات أختي ودرت إني أبكي بس ليش ما تدري..

سألت صديقتي نهى:قالت نهى:أنا ما أردري..هي جات من عند الأستاذه وهي تبكي..

أختي تتوعد وتتحلف فيها..

ويوم قدني بنص الساحه الداخليه..كانوا فيه معلمات واقفين وطالبات..

صحت صيحه مو طبيعيه..وجلست أبكي..البنات والمعلمات خافوا وأستغربوا بنفس الوقت..

ودوني لغرفة الإسعافات ودخلت وحده من البنات اللي كانت معنا عند الأستاذه لمًا كلمتنا..وأموت فيها هالبنت وهي صديقتي بس في ثالث..

قالت:لا تبكين ترى مشاعل كذابه وأنكرت..وتراها قالت هالكلام لبنات كثير..

أنا بكيت زياده من القهر والظلم..ورجعت البيت ونمت لليوم الثاني يوم الأربعاء..وما أكلت شئ..والله إني رايحه المدرسه ووجهي أصفر وشفايفي ناشفه..

طبعاً ما رحت عندها ولا مريت من عند فصلها..لأني كنت دايم أمر وأسلم عليها..واللي زاد الطين بله..يوم الثلاثاء رحت عشان أشترك في النادي الإنجليزي حقها..ومسويه مسابقه وعطيتها أختي تعطيها لها..لأني ما رح أعطيها عشان ما تفتح معي سالفه..

يوم جات الحصه السادسه رحت عند أختي وكانوا عندها..قلت لها تقول للإستاذه:إن الكلا اللي أنقال صدق وأنا ما كذبت..وأنا أخذت منها موقف وللحين مصدومه فيها..وهي ظلمتني..

أختي تقول لمّا كلمتها تقول لمّا كنت بنص كلامي قالت:لا تتكلمين..قولي لها إني فتحت صفحه بيضاء جديده بعد مشكلة أمس..وخلاص إني مو زعلانه منها أبداً..وخليها تنسى اللي صار..

أنا قلت:مستحييييييييييييييييييييييل أنسى..هي ظلمتني بدون سبب..

لا وقالت لبنات فصل أختي:أنا مدحت وحده من ثاني عندكم..الصراحه الحين جابت لي مشاكل كثير..((وكانت تطالع بأختي..))

بنات الفصل فهموا إنه أنا على طول..

يعني خربت صورتي قدامهم مثل ما كذبت عليّ وقالت:إن الكلام ما رح يطلع..

خلاص والله حقدت عليها مررررررررره وكرهتا عشانها ظلمتني..والله العظيم ماني عارفه وش أسوي..ما أقدر أنسى اللي سوته فيني..وما أعرف كيف أتصرف معها..

الله يسعدكم عطوني حل صااااااااارم..

أنا أنتظركم..