عالم البنات النسائي كل ما يخص المرأة العربية من ازياء وجمال والحياة الزوجية والمطبخ
فراشات بختصر لكم الموضوع وبدون مقدمات:074:
تقريبا لي شهرين او 3 كنت انزل عند حمولتي على فترات طويله لاني احب استقل بحياتي ومع ذلك ماقطعهم يعني كل اسبوعين مره طبعا عندي اسبابي اللي بذكرها لكم بعد شوي
المهم لي شهر تقريبا كنت تعبانه جدا وحالتي مايعلمها الا رب العالمين بس ثم زوجي اللي مداريني ومراعي خاطري ..:087:
طبعا فهالفتره صارت خالتي(ام زوجي) تعبانه وفبيت اهلها
انا ماكان عندي خبر ابدا ابدا ومحد قالي عشان ازورها
وفوقها حتى زوجي ماعرف الا بعد فتره ومن بعدها تعبت انا ورحت لاهلي فديره ثانيه
ومع التعب يادوب افكر بنفسي
انا مانكر قصرت فالاتصال لكن مسأله الزياره وشوفتهم لي هذي انا عندي عذري فيها
لاني كنت عند اهلي تقريبا شهر كامل وكل مابين اسبوعين اكون فبيتي اسبوع
:062:
العلم اللي حا زوجي وعن طريقه عرفت ان خالتي الله يصلحها دقت عليه قبل اليوم اللي بروح لاهلي فيه
وقالت انك ماتسأل علي ولاتجيني ولاتجيب خواتك لي ولا ولا ولا >>طبعا انا مالي دخل بينها وبين ولدها هذا شي راجع لهم
لكن انا بعد بنت ناس ومابي احد يجرحني
قالت حتى زوجتك مافكرت تزورني ووووووالخ
قالها
يايمه ..الله يديك والله اني مادري عشان تدري زوجتي وهي تعبانه لها فتره ومن مستشفى وحالتها مايعلم بها الا الله والخ
المهم مبين انها زعلت فرحت وتعذرت لزوجي وقال /الزم ماعليك صحتك وامي انا بتفاهم معها وهي خلاص تدري انك تعبانه
المهم انا لما رجعت من عند اهلي جوا اهلي معاي ووصلتهم لبيت اهل امي وقعدت عندهم كم يوم وتعرفون زحمه العوايل يمكن اكثر م 4 عوايل ببيت جدتي ومن جميع الاعمار يعني الدعوه فله تنسين نفسك وربي حتى زوجي ناسيته:028:
يوم رجعت لبيتي طبعا تعرفون عقب غياب شهر وش المفروض يكون وضعي
لاتصالات..لاارتباطات..لاعلاقات..عالاقل اعوضه المده اللي غبت عنه فيها
المهم تقريبا قعدت اسبوع على هالحال انا وهو وورانا الدنيا ومافيها:012:
بعد اسبوع امي جتني زياره كم يوم وهي عندي للحين هي واخواني وخواتي
وهذا طبعا زوجي الي عازمهم يعني ماتعذرت بهم عن اهله هو من نفسه لنفسه ووالله انه كان يحن علي لين جو وهو جابهم وهو اللي بيوديهم وحاطهم فعيونه..
وعلى قولته الجزاء من جنس العمل واتي ماقصرتي
المهم خالتي امس مرت علي عشان تسلم على امي لانهم بنات عم خلايص
وامي من النوع اللي ماتحب المشاكل وتقابل الاساءه بالحسنى ولله الحمد
فأول مادخلت خالتي سلمت عليها وضيفتها وقلطتها وهي صاحبه البيت :044:
اول مادخلت وشافت امي قالت:
شوفي يابنت عمي والله ان جيتي عشانتس والسلام لتس ولا بنتس ماعليها سلام..يوم اني تعبانه مافكرت ترفع سماعه ولا تسأل علي وتقول شلونتس يمه(اناديها يمه)؟؟
انا هنا سكت وقلت الحق لتس..وابتسمت وانا ابلع غصتي لان الموقف والوضع كان مربك جدا
وامي قالت:شوفي ياوخيتي تراها مثل بنتس وهذهي عندكم انا مالي حكم عليها حكمها فيد رجلها ومقدر اقول شي..وانتي الكبيره وهي ان شاء الله مالها الا الزين معكم..
انا طبعا قعدت بس اتبسم ومستمعه لسوالفهم تقريبا ربع ساعه وبلاعيمي تتراقص من قوة العبره:059:
بس سكت وانطميت
المهم هي راحت…
طبعا بتقولون السالفه فيها حلقه ضايعه وتراضي معها ومهما كان هي خالتك وامك وام زوجك واذا مو عشانها عشان زوجك اللي يستاهل>>كله انا عارفته بس انا مقهوره ومنغبنه
تجيكم السالفه..
:042: بدايه زواجي بسنه تقريبا ماكان فيه تفاهم مع زوجي ابدا اااااااااااااااااااااااااااااااااااااااااااااااااا اا
وخلاف متمر وشبه يومي واذا زعلنا نقعد بالايام مانكلم بعض
وكان داااااااااايم برا البيت بشكل هستيري يعني كنه عزوبي وماكنت اقدر اعارض لانه تجيني منه نوبات غضب الله يترحم بحالي منها وكنت ابكي تقريبا كل ليله..
فكنت اعوض وجودي بالنزول عندهم كل يوم وهذي غلطتي ..كللللللللللللللل يوم
وكنت احس بتعب وارهاق ولااقدر اوفق بين بيتي وبين وجودي مع اهله ومانكر الكل يحبني ويحسسني بقيمتي ويمون علي حتى انسباي ولله الحمد والمنه..
لكن بعد فتره صارت مشاكل بينه وبين اهله كنت انا المحور الاساسي ولاادري عن هالسالفه الا الطراطيش لانه معني 4شهور اروح لهله
وسمعت الكلام ..
طبعا كنت احتاج اوادم من القعده بروحي
فكنت اعوضها فيه حتى لو زعلانه وماكذب عليكم اني تقربت له كثير وعرفت مفاتيحه كيف وهو بعد وصرنا نفهم بعض اكثر بسبب وجودنا مع بعض بشكل مكثف
فعرفت له وعرفني:0124:
وبعدها حبيت استقل بحياتي كثييييييييير لان مجرد استقلالي بيفتح علي امور كثيره وحلوه معه ومن الحسن للاحسن
طبعا فك زوجي الحصار عني لما تعبت اخته وصارت تقرا عند شيخ وووالخ وكانت تسأل عني:0154:>>فديتها
المهم صرت انزل بس على فترات يعني ك اسبوع مره وهم مو عاجبهم الوضع يبون زي اول
وانا من النوع على طولة لساني وعربجتي وووالخ عند اهلي عند حولتي حمل وديع لااهش ولاانش
وصار زوجي هو عزتي وعزوتي بالرغم اني ماقوله اهلك سوو وسووا لكن سبحان الله تصدف انه يجي ظرف ويكشف كل شي وانا اكلها عتب وضغط نفسي م جميع الاطراف حتى اهل امي اللي هنا لانهم عيال عم
وكل واحد ياكل فيني وفزوجي
وانا بصراحه احب جمعة حمولتي كثييييييييييير ولاابي اخسرهم لاسباب تافهه وهم كذلك شاريني بس الله يلعن ابليس ووخزاته وفوقها مابي ارجع اخسر زوجي واقصر معاه مثل قبل لاني كت مقصصصصصصصصصصصصصصصصصصصره ومافهم شي يوم تزوجت لان عمري 19 سنه يوم دخلتي وملكتي 18سنه
يعني ناقصه خبره فالحياه يومكن هذا احد الاسباب..
وطبعا هالشهور مثل ماقلت لكم جتني ظرووف والباقي انتو تعرفونه فوق وكتبته..
هم حاطيي اني ماحب احتك باحد واني احب اتوحد ووووالخ بالرغم اني بشهادتهم اجتماعبه وادخل القلب ولله الحمد
صرت احس بقهر خاصه لما يوصلون لزوجي كلام بالغلط
حتى لما يجي شهر مثلا زوجي يبي يدلعني وتمسك براسه ونظل نجيب كل يوم مطعم لمدة شهر او مثلا جته طفره سوق بيوم وشرالي اللي اتمناه فيجي الهجوم والمنقده>>احب اعطيكم اني ربه بيت ممتازه
وزوجي بالرغم من صغر سنه يعني عمره 25 سنهلكنه اكثر ربعه فعمر 40 فما فوق او معظمهم يعني ماخذ طبع الشياب على الاغلب
فالكرم والعزايم والمواجيب وباي وقت لو الفجر..
ولله الحمد اقوم بواجبي
وهو شوفة عينهم وبشهادتهم
لكهم يقولون ترديتي من تالي:0144:
اقترحت نطلع فبيت رافض لاننا بشقه في فله اهله مع ذلك ماحس بكينونتي واستقلاليتي
لازم يفرضون علي كلامهم
والحين قررت اني من تروح امي اسوي اللي كنت اسويه زمان لكني حاسه اني بخسر زوجي
احيان زوجي يقول اول كتي افضل من ناحية علاقتك باهلي لكن معي بومه ههههههههه:020:
والحين العكس
قلت له انا ادميه وانسان وبشر اتعب مثلكم واحس
اذا قسمت وقتي لك ولاهلك ولاهلي ولبيتي وش بقا مني لنفسي؟؟؟؟
وصار يراعيني ويقدرني اكثر وتغيرت اطباعه كثييييييييييير والحمد لله
لكني انا تعبانه تكفون شسوي؟؟
