الله يرضى عليكم عطوني مشورتكم والله محتاجه لرايكم وخبرتكم !!!

السلام عليكم خوآتي
الله يعافيكم ويسعدكم انا بحاجه لكم والله اني ضايقه بضيقه مايعلم فيها الا ربي
السالفه ومافيها انا زوجي سيارته بالتقسيط المهم هو منتظم بالفلوس والحمدلله حالتنا الماديه ماعليها
المهم الشهر هذا جتنا ضروف وماقدر زوجي يعطيهم تقسيط الشهر ذا واشغلوه وكل شوي يدقون عليه نبي الفلوس وانا والله اني ضايقه وحاسه بزوجي وودي اساعده ومعطينه مهله بس بكره اذا ماجاب الفلوس السياره بياخذونها بنات والله ماودي اترك زوجي بهالحاله انا فكرت ابيع طقم من ذهبي واساعد زوجي
انا احب زوجي وهو والله ماقصر معي بأي شي ماودي اتركه وانا اقدر اساعده بس اللي مرددني اني مايبقى عندي الا طقمين واحد ذهب والثاني ذهب ابيض وش رايكم ابيعه واساعد زوجي مع العلم قلت له ابساعدك ووعدني بطقمين اذا زانت امورنا وش رايكم ابيعه واساعده ولا وش اسوي تكفون والله مالي احد اقوله الا انتم ابي خبرتكم الله يحفظكم يارب