عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته
كيف حالكم ياأخواتي>>والله أعتبركم زي أخواتي..
ان شاء الله بخير..
بنات الله يسعدكم دنيا واخره ابغاكم تساعدوني بجد بجد محتاجتكم لأني ماأعرف هاذي الامور
شفتوا مشكلتنا اللي كتبتها لكم مازالت ماانتهت ..طبعا أحب أشكركم كلكم ماقصرتوا ودعيتولنا وقلتولي لا تدعين على اخوك (وانا والله ماادعي عليه بس من القهر)والبغض نصحني نصايح قيمه والله وكلها قاعدين نسويها من استغفار وصدقه وقيام الليل والدعاء…….الخ
والحمدلله بس مشكلتنا ماانحلت..
ابغى أسالكم بالنسبه لأخوي صارله سنه بره البيت وأبد مايسأل عن أمي ولا أبوي لانه عاق(محد يدري عن هالموضوع) تخيلوا جاء رمضان ….عيد الفطر…عيد الأضحى …ولا كأن عنده أهل..
ومثل ماقلتكم قبل عن حركاته لما كان في البيت يعلي صوته على امي وابوي ولا يحترمهم …………….الخ من انواع العقوق غير معاملته لنا احنا البنات..
والحين يابنات أنا انخطبت وهو أخوي الوحيد تخيلوا مايكون موجود ايش بنقول للناس وأمي جدااا يهمها كلام الناس تقول ماأبي أحد يشمت فيني..وأبوي كبيييييييييييييييييير جدا في السن ولا يدري عن الدنيا وماعندي لاخال ولاعم والمفروض هو المسؤؤل عنا وعن أمه وأبوه..
بصراحه يابنات تعبنا من هالهم والغم ..
حاولنا نصل عليه مايرد أو يصك الخط بوجيهنا حتى أمي وأبوي بس يسمع صوتهم يقفل
والحين أمي تعبت صارت الأم والأب وكل شي وهي ماتقدر والناس صارت تخوف
المهم يابنات أبغاكم تعلموني لو فيه طريقه رسميه ممكن نرجع أخوي فيها البيت غصبا عنه
اكيد بتقولون ايش الفايده غصبا عنه بغثكم وانتو ماانتو ناقصين وهو بعيد احسن بس أمي مهما كان ولدها بس نبي نحاول بأي طريقه نجيبله شيوخ يمكن يهتدي وبعد نبي نجيب شيخ يقرى عليه يمكن مسحور او معيون او فيه مس (لأنه كان يعرف وحده من جنسيه عربيه يحبها وكان يبي يتزوجها وهي كبيره ومطلقه وسمعتها سيئه جدا فنقول احتمام ساحرته)نبي نسوي كل اللي علينا نأخذ بكل الأسباب عشان مانكون مقصرين في شي وظالمينه أمي تقول حتى لو بالمحاكم أشوفه وأتاكد انه مو مسحور ولا معيون ..الخ وأسأله أنا مقصرررره معاك في شي؟؟؟؟؟؟؟؟ليش ماتبيني؟؟؟؟؟؟؟
اذا قال ماانتو مقصرين بس ماأبيك ..تقول خلاص بتبرى منه وكأنه مات ..وأقول للناس كلها
فأبيكم تساعدوي وين نروح ايش الطريقه الرسميه اللي نقدر نوصله فيها لأننا مانعرف طريقه ولا ندري وين هو موجود…؟؟؟؟؟؟؟؟؟
الله يخليكم سااااااعدوني…..
