عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
ياليت تفسرين لي حلمي
كان وقت الحلم الصباح من شهرين تقريباً
وعمري 20 ومو متزوجه ومو متدينه مره عاديه
اكبر وحده من اخواني 4 اولاد 4 بنات
وبينا وعمتي الي بالحلم مشاكل
انا قد انخطبت بس ماوافقو اهلي عليه مع اني كنت ابيه وهذي السالفه كانت قبل الحلم تقريبا بثلاثه شهور ..
الحلم :
اني كأني في بلد ماليزيا زي الخضار وبدايه الحلم
كنت اصعد درج من خشب وكان طويل ومعي اهلي الي هم امي وخواتي الصغار
ولما صعدنا لقينا شقه كل جدرانها ابيض بدون اثاث
ولقينا هناك عمتي وبناتها الصغار وزوجه عمي الكبير
ولما دخلنا استقبلتني زوجه عمي واحضنتني وكانت تقول لي كلام حلو ودخلتني غرفه ومسكت يدي
قالت :وجهك يشبه وجهه وحتى يدينك تشبه يدينه
وانا استغربت وقلت : وش قصدك
قالت : لا ما عليك
وكان بالغرفه باب زي ابواب الصينيين القديمه( الي تسحب )
ووقفتني قدام الباب وانا كنت حاطه طرحه على كتفي
وقالت زوجه عمي تحجبي وانا وقفت اطالعها وحطيت الطرحه على راسي
زوجه عمي وهي توها تفتح الباب الا وعمتي جايه قالت : لا اكشفي عادي مافيها شي
ثم فتحت عمتي الباب الا وقدام الباب سيب صغير وكان مفروش بفرِشه لونها تفاحي بالعرض وقباله باب نفس الباب الي كنت واقفه عنده وكأنه مجلس رجاجيل
وشفت بالغرفه كنب كراسي لونه احمر وعليه نقش ذهبي
وجدتي (ام ابوي ) كانت توها بتطلع من المجلس قالت زين جبتوها
واطالع الا بالمجلس كان جالس رجال بس ماكان معطيني وجهه ويوم سمع صوت جدتي التفت
يطالعني وابتسم
وانا من الحيا التفت على طول ومشيت خطوه التفت على اليسار عشان اطلع من الغرفه وشيت خطوه وطـــحت على خشمي ( واتوقع اني سويت نفسي مغما علي عشان اتهرب من الموقف )
وش تفسير هالحلم الله يجزاك خير
واختي عمرها 16 سنه
داااايم
تحلم باسنانها يا انها تطيح او تنكسر وتاخذها بيدها وبعض الاحيان تروح للمستشفى عشان يركبونها وهي بالحلم ضايق صدرها على اسنانها ودايم باسنانها الي قدام..
مع العلم ان ضرس اختي الي قدام منكسر مرتين ومجبرينه بالمستشفى ..
الله يعافيك فسري الحلمين
واكييييد ادعيلك
