الله يجزاكم الجنة ساعدوني ( عروسة جديدة وماعندي خبره )

بسم الله الرحمن الرحيم
السلام عليكم ورحمة الله وبركاته
رمضان مبارك لـ الجميع

اخواتي الفراشات

أنا متزوجة من تسع شهور تقريباً ، يعني جديدة على سوالف الزواج
وماعندي خبرة فيها
بالذات اني امي متوفيه الله يرحمها يعني مافيه احد استشيره واخذ رايه !

وقلت مافي غير خواتي الفراشات اخذ رايهم واستشيرهم بكم شغله فـ ياليت اللي عندها خلفيه تفيدني
والله يسعدها دنيا وآخره

السالفة ومافيها:

أنا من اربع سنين تقريبا او اكثر ( من قبل مااتزوج ) عندي اكياس على المبيضين
جلست فترة اعاني منها واتعالج لكن الحمدلله على كل حال ماراحت !
بعد الزواج وبالذات الشهور الاولى زاد ألمها شوي
رحت المستشفى واعطتني الدكتورة حبوب منع الحمل اكلتها 4 شهور
طبعا وقتها كنت اراجع بمستشفى ( سليمان فقيه )
والمشكلة كل ماراجعت عند دكتورة راحت لين دخلت على وحده الله يسامحها كشفت علي بغرفتها قالت مبروك الاكياس راحت
مع اني كنت اشك بكلامها لانها كشفت مستعجله ـ لاني مو من مراجعينها فقالت امشيها وافتك !!
تركت الحبوب في شهر 7 كله مااكلتها على نية ان الاكياس راحت
تخيلوا كان مفروض تجيني الدورة في 2 / 8
لكن اللي صار انه جاني نزيف متواصل من 28 / 7 ورجعت المستشفى بالليل متأخر
وماكانت الدكتورة فيه ودخلت عند دكتور
قالي بطانة الرحم سميكة 12 سم وممكن يكون فيه حمل واسقطتي
سوالي تحاليل وطلع مافيه حمل ـ لكن قالي عندك عيب خلقي بالرحم جاي رحمي على الخلف مو زي الحريم للامام ( انا مافهمت هالنقطة ) وقال الاكياس لسى موجووده ماراحت واحجامها كبيرة شوي
وعطاني حبوب منظمة للدورة اكلتها ولا وقف النزيف
لمدة شهر وانا تعبانة وجسمي نحل ووجهي صار اصفر ونفسيتي زززززززززززفت

“

رحت بعد كذا لدكتور سوداني في جدة الوطني ( مدحه واحد من اصحاب زوجي )
ماشاء الله عليه شاطر وبسرعه سوالي تحاليل وعطاني حبوب ( primolut n ) والحمدلله وقف النزيف ليلة رمضان
اكلتها تقريبا لين 12 رمضان يعني 14 يوم
وقالي بعدها بتجيك الدورة ومن اول يوم للدورة بتاخذين حبوب منع الحمل ( مورفيلون )
وفعلا اخذتها
وقالي لمدة شهرين اخذ منع الحمل واذا ماراحت بيسوي لي عملية ، مع انه ماينصح فيها لانها تسبب إلتصاقات

وش السوات الله يجزاكم خير
انا مره خايفة ولا ادري وش هالكلام ولا ايش اسوي بنفسي ؟؟
اخاف اتوهق بالعملية
اللي عندها خبرة بهالشي او مرت بحالتي تقولي
محتـــــــــــاجة نصيحتكم

😎