عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاتهاهني نفسي اني سجلت معاكم
والله اتابعكم دائم وتريحون بالي
انا اززززززززفت انسانه بالكون
بقولكم مشكلتي احس انها غريبه من نوعها
تخيلو يابنات حنا عائله مرتاحه ماديا او بالاصح اهلي مرتاحين ماديا ساكنين بفيلا وخدم وعندنا اشياء يمكن ماتكون عند غيرنا بس والله والله اني فقيره احس اني محرووومه
مثلا اخواني اي شي مجرد مايتخيلوه جابوه بس ماعليهم منا
مستحيل احد يفكر يعطينا شي
ابووي عنده بدل البيت 6 بيووت من افخم البيووت
وصديقاتي عبالهم اني العب بالفلووس لعب
وانا ماخذ مصرووف الا بقطع الكبد
لازم تكون مناسبه علشان يعطيني
والله مايمده لي الا من عيد لعيد او اذا كان في مناسبه ومبلغ محدد
بزواج بنت عمي عطاني لي ولاختي 600 ريال شرايكم
الفساتين تكون بالفين وهو يعطينا ذالمبلغ
وكمان الدراسه بدت امس
تصدقووون اني للحين ماشريت ولا شي
ولا درست ليش ابوي رافض يعطيني شي
شايله هم الدنيا فووق راسي ليش مو مهتم فينا
هو مو ساكن معانا ساكن بمنطقه ثانيه بس كلنا نفس المدينه
يقولي انا نظام اوروبيين اصرف على الواحد لحد مايكون عمره 15 وبعده يطس يدبر نفسه
مو حرام اللي يسويه فينا يعني بنته ماتدرس عادي؟؟
عطاني بالعيد الف ريال لي ولاختي يقولي هذي لكم للعيد وللدراسه واللي يزود للفسحه؟
بغيت اقول ماتبيني اعطي بنات الجيران
والله حزني ليته فقير ويكون اسلوبه حنوون كان عادي عندي لو اكون خدامه لعيونه
وهو يتصدق يمين ويسار ويسلف فلان وعلان وحاط لي فيها كرم وهو اظلم انسان بالكون
ماراح اسامحه طووول عمري
زميلاتي طلعوا مراييلهم وانا لسا استناه متى يعطف علي الله لايسامحه اكررهه من كل قلبي
مادري شلووون تجي عايشيين بنعمه وبنفس الوقت عايشه بفقر وحاجه
ولا كمان زودتها امي
والله والله والله انها قاااااااااااااااااااااااااااااااااااسيه
اكرها اكرهها
مافيه شي يدل انها تحبني
على طووول تهاوشني
حتى قبل شوي وانا اكتب لكم توه صاحيه من النوم سمت بدني بكم كلمه وراحت
وتحب تفشلني عند الغير اطلبها فلوووس تقول مالي شغل
وولدها اللي اصغر مني بسنه تصرف عليه دم قلبها وتوها شاريه له لابتوب وسياره انزين حنا؟؟؟؟؟؟؟؟
تقول ماعندي ولا ريال وماعندها نيه مره فتحت بوكها واخذت عشره
عشره ريال سهله مره كنت برسل احد يجيب لي شيبس وعبالي عادي
ماخلت احد ماقلت اني سرووق وحراميه وخبو اغراضكم اخذت من عشره دون استئذان وحطتها بحلقي لحد مارجعتها لها
ولها حساب مليان للتوب
وتبخل علي بريال
تقول ابوكم عايش مالي شغل فيكم
انا مسئوله عن هالمسكين اللي انحرم من ابوه تقصد اخوي ياربي احيانا احس ودي انتحر
بس ليش اعيش بالدنيا عذاب وبالاخره عذااب
بعد زود على اسلوبها الفاشل بخيله
مادري ليش هي كذا
وابوووي يتهمني انا واختي بشرفناااا؟؟؟؟؟ يقول وش يضمن لي انكم ماتطلعووون بالله هذا كلام الله لايسامحه والله انتظره متى يموووت علشان اتنعم من الخير اللي هو حارمني منه
لاتظنون اني انا من النوع اللي يحب الفوس مره
بس ابوي مايشجع ان احد يغليه
كلام يبكي
انا بالشهرين مره اشوفه ومن اشوفه لازم اصيح عنده من كلامه
وامي لو اتكلم عن قساوتها الى عشرين سنه مايكفي
يوميا دعاوي علي صارت وجبه اساسيه كلمه قاسيه
انا وين الاقيها منها ولا من رجالها
لا واكمل لكم الناقص اخوي العزيز عنده ملايين بس ماخذت منه ولا ريال تدروون ليش؟؟؟؟؟
يقول اذا تبين فلووووس تعطيني شي مقابل؟؟ اتمنى فهمتوها استغفرالله غاثني من كنت صغيره بس الحين انا كبيره وفهمت قلت له لو اموووت جوع ماخذ منك شي على افكارك
بكل جهه مصيبه وليتها كذا
يعامل اختي اللي اصغر مني نفس الاسلوب تبين فلوس تعالي عندي
احيانا نحتااج مره مره وهو يعرف اني انا واختي ذابحنا النقص ومستغل هالشي واللي يقهر انه متزووج
كل ماشفته يقول تعالي واذا رفضت راح لاختي ومع هذا الحمدلله كرامتنا اهم من فلوسه
الله لايحوجنا له
ليش انا كذا حياتي
واخوي الكبير عنده ثلاث مزارع متنعم من خيرهم والله العظيم لو اطلبه ليل ونهار مايمد ريال بخيييل بخيييل بشكل
وعادي يشتري لنفسه قلم 300 ريال
يشتري لنفسه ساعه بالف ريال
وحنا لو نقول نبي خمسه ريال
قال انا مديون وانا مامعي وانا بالاسهم وانا وانا بعمره مامده لنا لكن لعياله مايقصر
واخويا الثالث
يدلعنا دلع بالكلام
بس نطلبه فلس يتغير وجهه
كل فلوسه تروح على صديقاته
هدايا ذهب
وكريمات
وساعات
وبلاوي زرقاء على بنات صايعات
وانا واختي ماذكر مده لنا
يقول مفلس عاد فاقدين الامل منه
وبالعيد طلبته قال مامعاي بعدها بساعتين جاب لي خمس اكياس مليان حلوى تفتح النفس
طلع مجهزهم هدايا
لبنت خالتي ولااهلها كلهم
يعني لحريم اخوانها وللحبيبه
شرايكم حتى حريم اخوان بنت خاليت ماقصر فيهم
وحنا ياحرام مفلس مايقدر يمده لنا
يووووف ودي اهرب لبريطانيا اعيش وحدي وودي كمان ابوي يمووت
قاسي والله
بس يقولي انتي ملعونه
انتي بيجي يوم من الايام تجي لي حامل
وانتي مافيك اخلاق
وانتي عانس محد يبيك على ان عمري 20 سنه وخطبوني 5 ورفضت
وبس معايارات المفروض اني متزوجه ومعاي خمس صبيان
والمفروض طاسه لبيت رجلك يصرف عليك
هو اسلوبه كذا مع الكل مايحب احد
حسوود مره
وامي مره اعترفت لي انها تعتبرني كلب نجس
ماتطيق تشوف وجهي
علشاني رفضت انسان عزيز عليها
زعلت لعيونه وانا قلعتي
ومع هذا الكل يعتبرني مدلعه ومو ناقصني شي ويتمى يكون مكاني
بس لاني اوضح للغير العكس ماوضح لهم اللي بقلبي
وامي بعد قدام صديقاتي يتغير شكلها تصير مره حنونه
والله العظيم انها حنونه مع الكل حتى مع اخواني من الاب حنونه وطيووبه
وكل اقاربي وصديقاتي يموتون فيها
بس لي انا واختي غير تنقلب شخص ثاني
واللي يضحكني واحده تقولي بادليني بامك
امك مافيه منها ماعرفت امي على حقيقتها معاي
ايه وكمان
اخويا الكبير فديته
توفى الله يرحمه
وبالشرع راتبه يكون لي ويكون لاخوي الصغير ولا اختي
تصدقوون امي تاخذه لها
وتعطي كل شخص من اخواني مصرووف وحنا مايحتاج
تقول مو ناقصكم شي
وحنا كل الدنييييا ناقصتنا
بس بالمدرسه يمكن تحن علينا وتعطينا
وانا اللي موقعه الاوراق بايدي علشان يمشي ذالراتب
يعني لي حق فيه
وكله توزعه لعيالها ولها
انا الحين بغرفتي انا واختي جالسات مهمومات ماندري وش نسووي ودي اموووت ولا اعيش حالة الياس
يووووف ياااااااارب تفرجها والله لايسامح ابووووي ولا يسامح امي
ترا انا ماكتبت الله لايسامحهم الا انهم يستحقووونها مافيه شي يدل على محبتهم لاتقولو مافيه اب يكره بناته اللي اشوفه واضح
مع العلم انهم منفصلين بس مو مطلقين
ومن طلعتي على هالدنيا وهالثنين مشاكل مع بعض اذا رحت للوالد يطيح سب وملعنه في امي
واذا رحت لامي تكمل السب في ابوووي
عايشه بعائله تررفع الضغط
ابي ارئكم وش اسسسسسسسسسسسسوي
