عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اخباركم؟؟
اللهم اني اسالك في ليله 25 من رمضان ان اللي تقراء موضوعي كامل انك يارب تحقق لها كل اللي تبي عاجل غير اجل….وتفتح لها ابواب السماء وتحقق لها كل امنياتها عاجل غير اجل…اللهم امين…
بنات حواء انتو تعرفون احنا بشهر فضيل وباليالي العشر الاواخر من رمضان…
وتعرفون العمل مضاعف….
اناجاتني فكررررررررره…. قلت لازم اقولها لكم….
خواتي؟ العيد قرب مابقى عليه الا كم يوم……وانتو شايفين الدعايات عن الحلويات حقت العيد….وغيره….
ولازم الكاكاو حاظر بالعيد…..
ويفرحون فيه البزران والصغير والكبير….
في ناس فقراء ومحتاجه ..ودها تفرح اطفالها مع الناس….
يالييييييييييييييييت يااخواتي نشتري كم علبه كاكاو ونعطيه اسر فقيره….
يااختي راس مالها 100 ريال واقل بعد….
قوطي الماكنتوش عندس احجام شي 30 وشي 40 ووشي 50 وشي 60 ريال..
وجواهر جلكسي بعد نفس الشي…. اكبر علبه اتوقع 55 ريال…. يعني لو تشترين علبتين ماتكلفتس شي…
يااختي انويها صدقه لله….
يمكن هالناس اللي تتصدقين عليهم يمكن بزارينهم يفرحون ويدعون لتس….. يااختي الاطفال لما تعطينهم حلوى كانهم ملكو الدنياء….
صدقيني هذا ادخال سرور ع مسلم …يمكن بسبب هالعمل ربي يدخل ع قلبتس سرور وسعاده مابعدها شقاء….
يمكن بسبب ربي ثم علبه كاكاو تتغير حياتس مليون درجه…
يمكن هالاسره اللي تتصدقين عليها يمكن عندهم عجوز والا شايب يفرحون انتس فرحتي بزرانهم يمكن يدعون لتس….
يمكن ربي يعتقتس من النار بسبب هالعمل…
يااختي شوفي الحين الدعايات كلها ماكنتوش وجواهر وغيرها….
وهالاطفال اللي اسرهم فقيره يشوفون هالاشياء وتنكسر قلوبهم….. وتلمع عيونهم من الدموع…..
ويشوفون غيرهم بعد صلاه العيد او في اي مكان عندهم وهذولا المساكين عيونهم تلمع من الحزن…..
يااختي احنا بعشر فضيله…. والعمل مضاعف….ماندري من يلحق رمضان الجاي…..
انوي يااختي انتس تشترين لها الاسر….. لو اسره وحده….
هذا عمل عظيم هذي صدقه وادخال السرور على قلب مسلم وباذن الله الاجر مضاعف….
الرسول اللهم صلي وسلم عليه يقول اتقوا النار ولو بشق تمره…
يااختي والله الدنياء رايحه….ماراح ناخذ منها ولاريال…….
سوي لتس رصيد للاخره…..
ياما ناس تصدقت وربي غير حياتهم مليون درجه…
ياما زوجه تشتكي من زوجها انه راعي بنات وخمر ويضربها…وتصدقت بكم ريال وصار زوجها امام مسجد..
ياما ناس تحلم يجيهم عيال وتصدقوا والله رزقهم…
وياما ناس تشافت من امراض خطيره ومن سحر وحسد وعين وتشافوا بعد قدره الله ثم صدقه…
وياما ناس الله سخرلهم خلقه عشان صدقه…
وياما ناسن ربي فرج همومها عشان صدقه…
وياما ناس تزوجت بعد ماتصدقت…
يااختي مردي ومردتس لقبر متر في متر…..
الشنطه الماركه وساعه الالماس والطقم الغالي والقصر الكبير والسياره الفارهه ماراح تفعنا ابد….
ناس ماتت وتركت ملاييين وراها ولاخذت منها شي…
ياااختي انوي انتس تشرين كم علبه كاكاو وتعطينها اسره فقيره…..
السالفه ومافيها انتس تعطين اخوك والازوجتس وقولي له اشتر كاكاو واذا جاء ليله العيد خليه يوديه لهم…..
في ناس اعوذ بالله اتقول مالنا دخل فيهم……ياشيب عيني وياويل قلبي…..
استغفر الله العظيم…..
والله ناس لما تذكرينهم بصدقه تقول يؤؤؤؤ انتو تبوني ادفع…….
خواتي مافي شي يضيع عند ربي…ابد مافي شي يضيع عند ربي….
فلوسنا هي الي تضيع بملابس وكروت شحن واسواق.. بينما الصدقه تلاقينها قدامتس يوم القيامه……
سبحان الله والحمدلله ولااله الا الله والله اكبر..
ياليييييييييييييييييت يااخواتي اللي نوت تسوي هالعمل تكتب تحت علشان تشجع الاخوات….
يالله من رقم 1 ومن 2 ومن 3 والخ….
ولاتنسووووووووون ادعو لي اتزوج واتوظف قريب….
اللهم من نوت انها تشتري للفقراء كاكاو العيد…….اللهم فااني اسالك بعزتك وقدتك وجلالك وعظمتك نك تحقق لها كل امنياتها عاجل غير اجل…
اللهم امين….
منقول للفائده ادعوا لصاحبة الموضوع بالوضيفه والزوج الصالح وادعوا لي برضى الله والجنه اللهم اني اسألك رضاك والجنه
