اللهم اجرني واخلف لي خيرا منه

انا كانت دورتي متاخره وحللت دم ومابان وتحليل حمل منزلي مابان رحت للدكتوره قالت سوي رقمي
سويت وطلع 9 قالت في حمل بس بدايه احتمال حدث حمل بس تاخر الدوره تعالي الاسبوع الجاي يوم الخميس الصباح بتاريخ 1712 ميلادي ونشوف اكيد حيزيد الرقم ويطلع فوق 25 وقلت اوك وجتني الاعراض وطرنا فرح مع العلم لسى لي 5 اشهر متزوجه

ويوم الخميس قمنا بنروح دق جوالي …. وكانت الفاجعه

اختي تقولي الحقي جدي تعباااان ويقول ابوي تعالوا للبيت بسرعه
نطيت من على السرير لين عند دولاب الملابس مادري وش اسوي حسيت بمغص شديد
الدكتوره قالت لاتتحركي كثير ولاتطلعي درج ولاتنزلي
ورحت لبيت اهلي وخلال الطريق فيني مغص

وقابلني اخوي الصغير وقالي مات بهذه الصياغه

طلعت اجري بالدرج وانا مفجوعه اقول لا مقلب وساعات اقول بلحق عليه

وثاني يوم
بالليل نزل نزيف وكانت جمعه فانتظرت لين السبت ورحت وسويت الرقمي وقالت لي صار 3 يعني نزل
اجهاض مبكرا جداا قلت لها مو مشكله والعبره خانقتني الله يعوضني خير منه بالشهر ذا

مع العلم اني قلت بنفسي الي ببطني على اسمك وانا ابوسه بس ربي ماكتب ادعوا لي ان احمل بهالشهر واجيب طفل واسميه عل اسمه
هو الي ربانا هو الي يلاعبنا ويضحكنا ويسولف معنا كبر بالسن ونسي اسامي الناس كله الا اسامينا واسامي اولاده يارب ترحمه وتغفر له وتعوضني بحمل عاجل غير اجل بهذا الشهر الي هو شهر واحد ميلادي يارب انك عارف بالحال

يارب عوضني يارب وماشوف الدوره هالشهر الا بعد 9 اشهر يارب ياكريم سالت الدكتوره في خطر لو حملت الشهر الجاي قالت لا ابداا