اللهم اجرني في مصيبتي واخلفني خيرا منها

السسلام عليكم

هذا رابط موضوعي الاول

http://satfrequencies.com/girls/alfrasha13/thread1688073/

فراشات توني جايه من المستشفى

طبعا يوم كتبت لكم بروح الطواريء قمت تروشت

وطلعت من الحمام حسيت بمغص فظظيع والا احس شيء بيطلع مني واجلس على ركبي والا اشوف راس جنيني انفجعت ولاحد عندي زوجي برا

واحط يدي تحته واسحبه وطلع هو والمشيمه
والله يابنات لحظات الييييييييييمه وبكيت بكاء وربي ماعمري بكيته اشوفه وهو قدامي وامس بالسونار يتحرك وقلبه ينبض وكل شيء زين سبحان الله

وعلى طول جاني زوجي شافني ابكي واصارخ ويدخلني الحمام ويغسلني ويلبسني وعلى السياره على طول

وصلت المستشفى وانا ابكي وحطوني عندهم 7 ساعات تقريبا وطلعوني وعندي موعد الاثنين

طبعا مرت علي طلوق يالله الحمدلله بس

ومع كل طلقه ينزل شيء مني والحمدلله يقولون مااحتاج تنظيف وطلعت

وجيت اطمنكم والحمدلله على كل حال صدق نفسيتي تعبانه بس هذا امر ربي

بسالكم يابنات انا مغتربه وجبت معي حوايج من اول

بكتبها وابي وحده الله يسعدها تسوي لي نظام ماعرف وتعلمني هل الحوايج اللي عندي تكفي ان شاءالله

حوايجي هي

فلفل هواء وفلفل ابيض وفلفل اسود وحلبه ورشاد وعنزروت قرفه حلتيت خواء جواء يانسون وقشر وبابونج وكمون ومسمار حبه سوداء وزنجبيل ومحلب

ساعدوني عسى ربي يساعدكم ويسعدكم

اللهم اجرني في مصيبتي واخلفني خير منها

اللهم لك الحمد حتى ترضى ولك الحمد اذا رضيت ولك الحمد بعد الرضا