عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اللحمة الضانى بالحبهان فى الفرن مع قالب الرز بالخضار والمكسرات وجوز الهند
ده كان غدانا النهارده وحبيت تشاركونى واعرف رأيكم
اولا طريقة اللحمة بالفويل فى الفرن
بجيب اللحمة واقطعها واغسلها وابشر عليها بصلة واقطع طماطم وفلفل اخضر واحط ملخ وفلفل وتوابل وحبهات واكتر منه اوى بيدى طعم تحفه مع اللحوم وبس الحبهان يكون صحيح واضغط عليه عشان قلبه يطلع ويدر الريحة المطلوبة
وطبها اللحمة ملبسة فما بحتاجش احط اى نوع من الدسم لكن لو لحمة حمرا صافى بحط معلقة سمن او زيت كمان
والف اللحمة فى ورق الفويل واحطها فى صينية وادخلها الفرن
ودى النتيجة طعم وريحة ما اقولوكوش ومفيس اسهل من كده
زوووووووووم
ثانيا قالب الرز بالخضروات والمكسرات وجوز الهند والكارى
اسمه عايز صفحة لوحده هههههه
بحمر رز على قد الكمية اللى عايزاها وبعدين اضيف خضار مشكل حسب الرغبة ,انا ضيفت بسلة وجزر وفاصوليا خضرا واقلبهم مع الرز على النار
وبعد شوية اضيف جوز الهند المبشور انا ماكنش عندى من التانى الخشن اللى عامل زى نشارة الخشب ده بس الخشن هو الأفضل مع الرز فضفت المبشور واقلب كمان شوية 
وبعدين اضيف شوربة او مية مغلية مع مكعب مرقة دجاج واضيف كارى وكمون وملح ولما يغلوو اهدى النار جدا
واغرفه فى شكل قالب المتاح عندك واحمص شوية مكسرات فى معلقة سمن بلدى واجمل بيهم الوش بعد ما اقلب القالب فى طبق التقديم
وعملت كمان سبانخ معاهم
وده شكل سفرتنا
اتفضلو معانا هيعجبكم اوى 😆
