الكلوميد … ثم الكلوميد .. ومن ثم التلقيح الداخلي

كيفكم يا احلى فراشات

جايتكم اليوم وانا ابي احكيلكم قصتي

انا تزوجت بتاريخ 4-8-2007 … وكان زوجي الله يرضالي عليه ما يبي اطفال من البدايه .. وانا اتفهمت الوضع .. كان بحجة ان تونا صغار وتونا متزوجين ونبي نكون لاطفالنا حياة احسن وهو يقصد ان نوفر للاطفال لمدة سنتين وبعدين نفكر بالاولاد .. غم اعتراضي عالفكرة ولكني ما حبيت اني اغصبه ع شي هو مو مقتنع فيه .. رضيت بالواقع وان احنا ننظر سنتين … وهاللي صار … كنا بالسنه الاولى شهر عسل طويل 😈 وما كنا نخطط للاطفال .. بس ما كنا نستعمل موانع … كان كل شي طبيعي 😛 … ولكن بهاسنه ما اخفيكم سر شو اللي عانيته .. يوم ملكتي واللي هو كان تاريخ 2-8 كان يوم دورتي وكانت مسبقتني اسبوع وهذي اول مرة تصير 😳 … خربت ليلتنا لوووووول 💡 …

ولكن من بعدها ما شفت الدورة الا بعد شهرين …!!! وقالوا لي طبيعي المرأة لمن تتزوج تتخربط معاها الدورة وبعدين بديت مشوار تنظيم الدورة … وكانت الدكتتورة تعطيني حبوب منع حمل …اللي تنزل الدورة … بس ما كنت آخذها .. يعني تقريبا بطوال السنتين اللي مروا علي … اخذتهم اربع مرات تقريبا بس … الموووهم .. بعيد زواجنا الاول … خلاص قررنا ان احنا نفكر بالاولاد … وزوجي كان بعده متخوف .. من سالفة الابوة يخاف انه ما يكون نعم الاب .. ولكن شاءت الاقدار ان اخته تنتقل معانا فترة مع اولادها وزوجها وهو تعلق فولدها الصغير وايد 😛 .. اعنيكم زوجي طبعا وكان كل يوم يقول انه يبي بيبي … وانا اللي ماخذه بخاطري يوم انا كنت اصيح ابي بيبي .. لكن الحمدلله عكل حال .. وصار لنا وحنا نحاول تقريبا من نوفمبر 2008 الى يومنا هذا وللحين ما كتب الله لنا …

الحمدلله الذي لا يحمد سواه …