عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ازيكم يا بناتيت يارب كلكم تكونوا بخير وصحة جيدة ان شاء الله
النهارده جبتلكم معايا طريقة الكبيبة الشامي من مطبخي يارب تعجبكم
النهارده جبتلكم معايا طريقة الكبيبة الشامي من مطبخي يارب تعجبكم
الكبيبة الشامي
1/2كيلو لحمة مفرومة
1/4 كيلو برغل
بصلة كبيرة
ملح وبهارات وجوزة الطيب وزعتر
1/4 كيلو برغل
بصلة كبيرة
ملح وبهارات وجوزة الطيب وزعتر
نقعته في ميه لمده 10 دقائق
بعد ماتخلص مدة النقع اصفيه واضغط بايدي جااااامد عشان يتخلص من كل ميته بالشكل ده
واخلطه مع اللحمة كده
هافمهم تاني مع بعض في اي حاجه تعجبك كبه او مفرمة او او انا استخدمت دي عشان محتاجين انها تبقى ناعمة جداااااااااااا
هانضيف البصل ويكون البصل مفروم فرم نااااااعم جدااااا بالشكل ده
ونخلطهم مع بعض في المفرمة ونضيف عليهم البهارات
وده شكلها في الاخر ودخلتها الثلاجة نص ساعة عشان ترتاح وتلاقي العجينة متماسكة كويس
بعد مانطلعها من الثلاجة هاناخد منها قطعه بالحجم ده او زي ماتحبي
نكون محضرين جنبنا طبق فيه ميه ساقعه او ميه بثلج ده هاندهن بيه ايدينا عشان يتسهل معانا التشكيل وهاتلاحظي ده بنفسك وانتي بتجربيها واي حتة هاتتفتح من العجينة سهل تبلي ايديك وتقفليها هاتتقفل وتتساوى معاكي العجينه على طول
هانقوم بالتشكيل بالشكل ده
وتفضلي ترققي فيها وكل شوية متنسيش تبلي صباعك ميه هاتفرد معاكي على طول لحد ماتبقى بالشكل ده
هانكون محضرين اللحمة المفرومة (العصاج) وكنت حاطة بقدونس بدل الصنوبر عشان معنديش
وتقفلي بشويش وتبلي ايديك اوعي تنسي وتشكليها بالطريقة دي الشكل المشهور ليها لو مش بتعرفي مش مهم
هانقليها في زيت غزير جدا انا استخدمت كازورلة عشان تبقى غويطة والزيت يغطيها وتوفر لك في كميه الزيت المستخدم بعلمكوا اقتصاد اهو 
هانطلعها على مناديل المطبخ عشان تمتص الزيت
وده شكلها في طبق التقدم زينتها بالشيبسي
قدمتها مع مكرونة وسلطة خضرا وعجبتهم جداااااا
يارب اكون قدرت افيدكوا
