عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم و رحمة الله و بركاته ..
هذا عمل متواضع أنتجناه لحفل ختامي لنادي ثابت بن أسلم الصيفي بالملز
تقريبًا في عام 1426هـ ،
و كنا من ذاك الوقت مترددين ننزلها ولا مانزلها ، بس الحمدلله هدانا الله و قررنا ننزلها و نستفيد من أراء الشعب الكريم .. http://www.inshad.com/forum/images/smilies/smilies2007/cool.gif
بعد ما أنشدناه في حفلنا الختامي ، طلبو مننا عدة نوادي صيفية أننا ننشده عندهم لأن العمل كان مقبول إلى حد كبير و لاقى استحسان الكثيرين ..
طبعًا كننا ننشده بالبلاي باك و اللي مايعرف البلاي باك هي أنك تشغل الأنشودة من جهازك أو من المسجل و تحط عنده المايك ،
و تبدأ أنت قدام الجمهور ماسك المايك و تحرك شفايفك و لسانك على نفس كلمات الأنشودة و تكون حافظها أفضل ،
طبعًا حصل لنا موقف بايخ مع البلاي باك و المشكلة أنه صار في حفلنا ، كنا مستعدين و متحمسين و جاهزين و كلو تمام ..
و كنت جايب أنا لاب توبي و شيكت عليه كان باقي من البطارية 20% قلت إن شاء الله تكفي ،
الأنشودة كلها 5 دقايق و الحين بنبدأ و قفّلت كل شي إلا ملف الانشودة و وطيّت نور الاب توب عشان مايصرف بعد ..
المهم قلنا يالله اوكي نبدأ ، جاء دور الأنشودة فتحوا الستارة بدينا .. شغّل الأنشودة واحد من الشباب من خلف المسرح و كل شي بدأ تمام ..
باقي شوي و تخلّص الأنشودة ، العالم قدّامنا منهبلين و منجذبين مع الأنشودة و الأداء و الكورال و الشغل ككل عال العال ..
و فجأة و بدون مقدمات !
لاب توبي النكبة طفى ، خيانة عظمى منه ما راح أنساها للأبد و كل ما تذكرت ذاك الموقف أتمنى أني كنت ميتًا منسيًا ..
بصراحة موقف لا نحسد عليه ، حاولنا نكمّل و ننشدها للنهاية بس الفرق واضح الانشودة مسوينها في استوديو و فيها زحمة و شغل حلو صعبة !
قلت للي واقف عند الستارة قفّل و أنا حمقان و مرتفع ضغطي ، على طول قفّل و كل الأنظار تتجه إلي و تقول لا بارك الله فيك ولا في لاب توبك http://www.inshad.com/forum/images/smilies/smilies2007/mad.gif
أنا حاولت أهدّي الوضع ، رحت لخوّينا اللي عند اللاب و لقيته قاعد يشرب شاي و فالها ولا كأنه صايرة مصيبة برّى !
لقيت اللاب توب مقفّل ، ضفّيت أغراضي و انتظرنا الى ما يخلص الحفل و انحششش بعدها بس جت اتصالات و هواش و قلق كرهوني بنفسي
و إلى يومكم والله بعض الشباب مانسوها و يذكروني فيها ، تذكر يوم يطفى لاب توبك المخيس و يفشلنا عند خلق الله ..
المهم ، معليش طولت عليكم و شكلكم مشتاقين تعرفون وش هالأنشودة اللي سوّت كل هالزحمة و التأثير العالمي << يسمع بالتشويق
طبعًا الأنشودة من إنشاد 4 من الشباب /
عمر السويري
عمر الديني
حسين الأهدل
و محدثكم
و التسجيل باستوديو رياض و هندسة الأخ / فهد العمودي .
و تفضلوا للتحميل !
Click here (http://www.6alb.net/M/Qlb-Ynady.MP3)
منقول ×××××××
