الف شكر يا رائعه على ذوقك

اتعب واقول هالانسانه ذوق
والله يابنات مااعرفها ولا سبق وكلمتها بس من جد شهادة حق تنقال فيكي ياماجده
السالفه اني بالعيد طلبت انها تسوي لي فستان لبنتي والحق انا اللي اتاخرت عليها لمن جبت المقاسات واول ماجبتها اشتغلت الفستان وصورته لي وعجبني والله بالصور
بس اللي ازعجني اني طلبته نص كم وهي سوته كت نفس الموديل واعتقد انها ما انتبهت اني طلبته نص كم لان حتى انا نسيت اني طلبته نص كم وما نبهني الا زوجي انه كت لمن وريته الصور اللي رسلتهن لي
المهم شحنته لي هو ومهدين طلبتهن لنونتي ربي يجيبه بالسلامه والله بدون ماادفع لها قيمة المهادات ولا الفستان وحتى الشحن بالبريد الممتاز
واستلمتهن بعد الشحن ب3 ايام
الفستان كان اكثر من روعه والكل انهبل عليه بس ياخساره فرحتي فيه ماكملت كان كبير على بنتي غير ان الكت عليها مو حلو لان هي عصله مثل اميمتها ➡ والا خيوطه وشغله والله ماكان في عليهم اي ملاحظه وحتى لونه احلى بكثير من ماطلبته
ورغم اني كنت واعدتها احول لها بيوم مااستلم الطلب ماقدرت احول لان مكتب الحواله كان مقفل وقت مارحنا استلمنا المهادت من البريد وبعدها كانت وقفت عرفه والعيد
والله ليومكم هذا ماحولت لها ولمن خبرتها ان الفستان ماناسب بنتي زعلت والله كثير على بنوتي لانها مافرحت فيه بالعيد وقالت حولي لي فقط قيمة تكلفة الخيوط
يعني نقصت من سعره حتى قالت لي اختاري مهدين ارسلهن لك هديه اهم شي ماتزعلي
ولا حتى غثني وازعجتني كل شوي لاني اتاخرت عليها بالتحويل وانا والله مااتاخرت عليها الا لان فعلا مكتب الحواله كان قافل يوم رحت استلمت الطلبيه وبعدين كان عندي سفر واختبصت لمن الفستان ماجا قيس بنتي وبعدها جات وقفة عرفه والعيد فما كان في مجال اروح البلد واحول لها لكن ان شاء الله الله لا يعوق بشر بِشر بكره باحول لها
بجد والله يابنات التعامل مع ماجده مكسب
كانت حريصه جدا انها ترضيني وماازعل منها رغم انها بالاصل ماقصرت بالشغل من حيث الجوده والاتقان ومواعيدها جدا مضبوطه
هي فقط المقاسات اللي ماكانت مضبوطه
وانا سبق واخذت منها طلبيتين وكانت اكثر من رائعه والحين باطلب منها طلبيه ثالثه
الله يرزقك ياماجده ويوفقك وين مارحتي 🙂

هذي صورة الفستان من تصوير ماجده