عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
السالفه ومافيها
باقي على انتهاء اجارنا شهرين وانا جالسه ادور على دور ابي الوسع من الشقه
فالله يجزاكم خير اللي تعرف وتخبر لي دور لاتبخل علي
يكون الدور في حي الروضه او القدس او الريان او المنار او الروابي الاحياء هذي
مايقل عن 4 غرف وان كان 5 يكون افضل وثللالااث 3 دورات مياه وطبعا صاله
مايهم علوي او ارضي المهم يكون فيه حووووووووش او على الاقل مدخل سياره
وطبعا المدخل مستقل
مايزيد السهر عن 35 الف واذا كان اقل افضل
اهم شي عندي يكون البيت نظيف ومكانه زين مو بوسط حاره مدري وش تبي
وياسلالالالالالالالالالالام لو كان قريب من مسجد
ادري خرابيطي واجد بس وش اسوي كل ماشفنا دور الا هو اردى من اللي قبله
وعلى فكره لي سنتين ادور لي شي مرتب ونظيف مالقيت الا شي ما ادري وشلون
صاحبها يأجرها مايستحون بعض الناس
الله لايبلانا اجار ب 40 والبيت يبي لي احط عليه فوق 30 للتصليح
————–
ما راح انساها من صالح الدعاء الله بتوفر لي مطلبي
والله يحرم وجهها عن النار
