عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنات إيش الفرق بين إبر وحبوب التبييض ..
ما في فرق .. إلا فروقات بسيطه تخلي الإبر أفضل من وجهة نظري وبعد بحث معمق وسماع
الشهود هههههههه 🙂 كأننا في محكمه .. المهم بعد تجميع معلومات من مصادر طبيه وتحليلاتي
الشخصيه .. (( الفايده إللي حصلت عليها من دراستي للعلمي ))) مافي فرق ..
مافي فرق .. مافي فرق .. كيف ..
حرجع بذاكرتنا لأيام المدرسه وحصص العلوم والتجارب ..
عندنا بنتين حلوين
😆 🙄 نونو و ➡ سوسو
قررنا نسممهم بماده سامه نونو قررنا نعطيها الماده على شكل حقن في الوريد
وسوسو قررنا نعطيها نفس الماده بجرعه أكبر عن طريق حبوب للبلع
النتيجه .. نونو 👿 وسوسو:D الثنتين ماتو الله يرحمهم من الماده السامه الفرق
الوحيد نونو ماتت في ربع ساعه وسوسو في 5 ساعات ..
هنا المعنى أي ماده حدخليها جسمك حتعمل نفس الشي من ناحية الفايده والضرر الفرق الوحيد
مين أسرع من مين + الحبوب ممكن على المدى البعيد تتعب جدار المعده ما تشوفوا الناس إللي عندها
أدويه كثير وتستخدمها بشكل متواصل لمرض مزمن زي الضغط مثلا يعطوهم حبوب تحمي جدار
المعده .. عشان كذا أنا فضلت الوريد بنت خالتي عندها فوبيا من الإبر وهذا إللي خلاها تختار الحبوب
ولا كلها نفس المواد ونفس النتيجه
مثال ثاني .. لو راسك عورك ورحتي لمستشفى وقالولك راح نعطيكي مسكن فولتارين مثلا ..
الفولتارين على 3 أشكال إبر وحبوب وتحاميل كلهم يعطون نفس النتيجه الفرق في السرعه
في الأداء الإبر مفعولها خلال 10 دقايق وأقل التحاميل نص ساعه وأقل الحبوب ساعه وأقل
وكذا بس المفعول واحد والنتيجه وحده .. وبس اتمنى اكون فدتكم
