عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلام عليكم
بنات نحن معشر النساء معروفين بالغيبه والنميمه للاسف الشديد
ومافي مجلس يخلو منها مهما حاولنا صح ولا !!
وانا صراحه قريت عنها وخفت يوم شفت ذنبها ياكثر الي تكلمت فيهم بس مو قصدي نميمه او غيبه سوالف عاديه
ودي اعرف كفارتها وكيف اتوب منها !!
وهل اني اتوب واحاول ابعد عنها يكفي عشان ذنبي يغتفر ولا
بحكيكم موقف صاير هاليومين معي بالجامعه
في وحده متكلمه ع صديقتي انها ع علاقات مع شباب وكذا وصديقتي ذي عكس هالكلام مرره
وطبعا وصلني الكلام وانقهرت
وسكت ع الموضوع ماخبرت صديقتي
بس يوم شفت البنت الي تكلمت عليها تسولف وتضحك معها ومجرد ماتلف تحش فيها ويتغمازون
استفزوني جدا !!!
وخبرتها وقلت اقطعي علاقتك فيها وحطي لها حد
هل علي ذنب والله مو قصدي اخرب بينهم بس انا خفت البنت ذي تنشر الكلام بالجامعه وتخرب سمعه صديقتي ودام هي صديقتي الكلام اكيد بيلحقني اكيد فهمتوا علي صح
فرجاء جوابوني لاني جدا تعبانه نفسيا خايفه اشيل ذنبهم الثنتين مع ان قصدي خوفا ع سمعه صديقتي مو اكثر من كذا
انتظركم 
