الطين الاحمر

مرحبا فراشاتي العزيزات
اظن الكل يعرف الطين الأحمر وهو متوفر وسعره رخيص لكن فوائده للبشره الدهنيه
بالذات عظيمه من اهمها انه له خاصية الامتصاص يعني يمتص فائض الزهم والافرازات
الدهنيه والرواسب من البشره وهو منقي للبشره وايضا يحتوي على معادن مهمه
ومن خلال تجربتي الشخصيه اقول لكم انه رهيييييب
استخدميه مره في الاسبوع بعد ترويشه احسن لان المسام تكون مفتوحه اخذي قطعه
صغيره واغمريها بشوية ماء وخليها على ما تخلصين ترويشتك تكون ذابت بعدها تدهنين
الطين على وجهك باستثناء منطقة ماحول العينين وتجلسين لما ينشف وانتبهي تضحكين
لانه بيشد بشرتك وهذا غير صحي وبيضرها في هالفتره شوي شوي بتحسين بالنبض يزيد
في وجهك بشكل ملحوظ بعد ما ينشف اغسليه يمكن تلقين بشرتك محمره شوي عااااادي
لا تخافين هذا لان الدوره الدمويه نشطت اكثر بعدها امسحي بشرتك بماء ورد واذا لقيتيها
جافه مره امسحيها بكريم مرطب للوجه
طبعا حبيباتي هذا كله مايجيب نتيجه اذا ما كنتي تمشين على برنامج يومي لبشرتك
يعني تنظيف … وتلطيف … وترطيب
ولكم خالص تحياتي