الطفش بيذبحني

مرحبا بنات اتمنى تساعدوني
وماتخلوني لحالي
بنات انا متزوجه لي سنه و7شهور
اول زواجي مااحسيت باالطفش بس
بعدين صارت حياتي كلها طفش ملل نفس اليوم يتكرر
عندي انا عايشه في منطقه بعيده عن هلي واهل زوجي
ومااعرف فيها احد كثير
تعرفت على جاراتي واصدقاء زوجي زوجاتهم
جاراتي اشوفهم كل اسبوع مره بس زوجات اصدقاء زوجي
مودايم اعزمهم يجون لي بس ماايعزموني عندهم
وزوجي يقول خلاص لاتنادين احد عندك الايجي يجي
واللي يبيك بيدق عليك واحياننا ارسل لهم ابجي لكم
اللي ماترد علي واللي تصرف واذا قلت تعالو لي اللي تقول مشغوله
واللي تقول يوم ثاني والحين قطعت علاقتي فيهم
ماعاد اشوفهم كثير يمكن كل 3شهور مره
المشكله موهينا المشكله ان زوجي هو زوجي ماعاد اشوفه
يجي من الداوم الساعه 2وربع يجلس شوي عندي اول مايذن العصر
يطلع اللين اذان المغرب يرجع يصلي وبعدين يطلع باالاستراحه يجي بعد الصلاه العشاء يجلس يتعشى
يناظر التلفزيون او عند الكمبيوتر بعدها ينام
واربعه وخميس وجمعه نروح لديره اهلنا كل اسبوع
انا مليت ماابي كل اسبوع اروح انا ابي اسبوع ورى اسبوع
اقول له يقول يصير خير واذا جاء الربوع يقول
ياالله نمشي بنات انا اطفش عند هلي هلي ماعندهم احد
اخواتي كلهم متزوجات اذا جيت يجون يوم واحد وخلاص
حتى النوم ماينامون اطفش لحالي وامي مومن النوع اللي يسولف مثل باقي الامهات
وامي تنام بدري شي الوحيد اللي موسع صدري الاب توب والاكان علوم حتى صديقاتي
مااعاد اكلمهم لاني مااعندي ثابت وصعبه اكلهم باالجوال
لان جوالي شحن وقلت له ركب لي ثابت ركبه شهر
عقب فصله قال مااقدر على الفواتير راتبه زوجي قليل
مرة وانا متحمله وصاكته وفوق هذا كله مااعندي عيال
يمكن لوعندي طفل اوطفله كان تغيرت حياتي
رحت كشفت انا وزوجي وانا سليمه ولله الحمد والشكر
وزوجي طلع عنده نقص في السائل المنوي عدد الحيوانات
المنويه 8تعبت جرب العلاج شهر عقب شهر تركه
والاالحين مااياخذ اي علاج الحين بدينا في العسل والاستغفار احس بحياتي طفش موطبيعي كل يوم ابكي
على اللي انا فيه قبل مااتزوج ماكنت كذا كل وقتي ضحك
وهبال وناسه وصديقاتي الحين صرت (وحيييده) غابت
عني الضحكه كل من شافني تغيرتي منتي مثل قبل
العرس يغير ايه يغير اتمني ارجع مثل قبل ماابعد تزوجت
لاتقولون غير حياتي سويت ليله رومنسيه احاول اغير من شكلي بس الطفش مايروح من حياتي ادري طولت عليكم
بس والله فيني ضيقه ودي افضفض لكم وابي ان كل وحده تدخل
تدعي لي ان الله يرزقني بطفل يمكن اذا جاء الطفل
(تتغير حياااتي )
شكر ا لكم
اختكم
لميس 9