عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسبب الطلب عالصور واختفائها بالموضوع الاول بنزلها من جديد
من تصميم المصمم احمد بدوي اللون ازرق بحري الموديل حلو مره اقرب مايكون الى شكل حورية البحر ضيق والقصه من تحت قصة السمكه وله ذيل من تحت على جنب بشكل غريب من قماش الورجنزا طبعا الفستان تفته ساده ويجي عليها شغل من الجنب من الترتر بتدرجات الوان الازرق وتعطي مثل منظر الحراشف بالسمكه مع كلريستالات سواروفسكي ويناسب الى وزن 57 يعني تقريبا سمول وميديم واللي جسمها اقرب الى شكل الساعه الرمليه والفستان الكم انا مركبته طبعا عند المصمم وممكن ينشال وترى معاه شال اورجنزا
سعر الشراء 4000 وسعر البيع700 والله يابنات الفستان نظيف جدا لكن ماراح اقدر البسه مره ثانيه 
الفستان الثاني:
من تصميم المصمم احمد بدوي اللون اصفر ضيق والقصه سمكه من تحت فخم جدا الشغل كله كريستالات سواروفسكي فضي الموديل حلو مره والله ماني عارفه اشرحه لكن عموما حلو ومميز ولاهو اوفر مرره سعر البيع 1200 المقاس ميديم لارج
يلبس من 60 الى 65 تقريبا
الفستان الثالث من لمسات طيبه الفستان ستايل هندي من قدام بسيط الشغل من ورا ذيل كبير وفوقه شغل ثقيل يعني الموديل اغلبه من ورا سعرا لشراء 2200 والبيع 350 لان فيه مثل البقعه ماي مكبوب ترى بسيطه مو كبيره تبين لان فوقها الذيل اللي من ورا وراح اوضحها بالصور والمقاس ميديم
