الشيخ فهد وصل..((قصة ولاتدتي))

السلام عليكم
اللهم لك الحمد حتى ترضى ولك الحمد اذا رضيت ولك الحمد بعد الرضى..
بعد معاناة وتعب وثقل جيتكم اليوم بقصة ولادتي..
من اول اسبوع بالتاسع والرحم مفتوح عندي 2 سانتي بس مافي طلق ومافي مويات قالت لي الدكتوره كثفي مشي علشان يفتح اكثر .. خلصت الاسبوع الثالث ولافيه اي نتيجه
الى ان جاء يوم الجمعه طلعت من البيت على الساعه 12 ونص رحت امشي وهالمره تعبت نفسي بالمشي جلست امشي تقريبا ساعه ونص وكنت طول الوقت اقرى سورة الزلزله وادعي ربي انو اولد وارتاح..
طبعا انا بعد كل ممشى كنت احس بالم وهذا طبيعي
المهم رحت للبيت وطبعا كنت احس بالم لكن الالم كل شوي يزيد ودعيت ربي ان تكون ولادتي اليوم
رحت انسدحت لكن الالم يزيد ويزيد كلمت امي علشان اسالها قالت اذا نزلت مويات روحي اللالم مو دليل ولاده
لكن انا ماصبرت وقلت لزوجي يله ع المستشفى ورحت الساعه 3 ودخلت وكشفت الدكتوره علي وقالت مفتوح 5 سانتي ,,,, ولااااااااااده ……… انا باللحظه هذي جلست ابكي مادري ليه ..
ودوني لغرفة الولاده و والالم كان مرره قوي لدرجة اني ماقدر امشي كويس … توضيت وصليت الفجر ودعيت ان ربي يسهل علي
عطوني ابره مسكنه بس مانمت حسيت بدوخه لكن لما يجي الطلق افتح عيوني من الالم
جت الساعه 6 وكشفت الدكتوره علي لقت الرحم مفتوح 7 ونص سانتي والمويات مانزلت ….واضطرت الدكتوره انها تشق موية الجنين …. وبعد ماشقتها بدا الالم يزيد صار كل 3 دقايق كان الطلق مررره قوي حتى الكمامه ماكانت تنفع
جت الدكتوره وقالت خلاص ادفعي وانا ادفع باقوى ماعندي
بصراحه يابنات موقف ماقدر اشرحه واوصفه لكم ,,, بهاللحظه وانا ادفع حسيت ان روحي بتطلع جلست اتشهد الى ان طلع ((فــــهــــد)) الساعه 8 ونص الصباح يوم السبت ….
سبحان الله لما طلع وحطته على بطني نسيت كل شي وجلست اضحك نسيت الالم ونسيت كل شي مريت فيه ب9 شهور ((( ياربي لك الحمد ))