عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله جميعا …
ودي اسأل سؤال واتمنى القى الاجابة عسى الله يفتحها علي وعلى كل من تعاني مشكلتي ….
انا متزوجة ليا سنتين الا شوي … وبداية الزواج كنت اعاني من تشنج مهبلي .. والحمدلله مع المزلقات وتفهمي وتفهم زوجي لمشكلتي بدت تنحل المشكلة شوي شوي وصرت يارب لك الحمد احسن من اول بكثير …بس لسه مانحلت تماما … عسى الله يفرجها علي وعلي كل مهمومة ياااارب يا كريم …
اول سنة كنا رافضين فكرة الانجاب .. ولما مرت سنة وكم شهر بدينا نحاول … يعني لنا الحين تقريبا ٩ شهور نحاول لكن ربي ماكتب …
بعد ستة شهور من المحاولة رحت ابغى اعمل فحص واتاكد من سلامة كل شي … الدكتورة اللي يهديها قالتلي بعملك سونار … وانا ماكنت ادري وشو سونار .. احسبه من البطن !!
انسدحت متوكلة على الله ماادري الا قالتلي افتحي رجولك :8500:انا ارتعت قلت وش بتسوين ؟ قالت هي حااااقة صوغيرة اوي موش هتحسي بيها !! قلت امري ل الله … وقامت دخلت السونار اللي كان حجمه كبير .. وراسه اكبر حتى! .. عورني شوي وحاولت استحمل بس دفّته فجأة بقوة و حسيت بذاك الالم اللي عمري ماحسيته بحياتي .. حتى ضغطي انخفض وقعدت اصيييح ابي موية والله الم عجيب غريب !!
طلعت منها وانا ابكي واقول مابي عيال خلااااص :042: استغفر الله بس والله من اللي حسيته ….
حتى رجع علي التشنج مرة ثانية وابعدت عن زوجي اسبوعين والسبب هالدكتورة الله يهديها !!
لما سألت امي قالت المفروض مايكون بهالحجم !! ولا يكون هذا الالم …
الطب تطور وكل شي تطور ليه مايخترعون شي مايعور :401:
طبعا الحمدلله ماشاء الله طلع الرحم والمبايض سليمة ( الا من كيس صغير بس قالتلي مايأثر ع الاخصاب او الحمل ) .. وتحليل الهرمونات سليم .. بس المشكلة الحين ودي اروح اسوي متابعة تبويض .. واخاف يتكرر اللي صار ….
قريت في مواقع اجنبية حريم مشكلتهم نفس مشكلتي … وكان الاقتراح انهم مايتوترون ولا يشدون .. وهذا شي والله مو بكيفي بعد اللي صارلي ….
ومن بين الاقتراحات وحدة قالت جيبي شمعة على نفس مقاس السونار وحاولي تدربين عليها في البيت لين تتعودين عليها ….. وانا مستعده اسوي هالشي … بس اني ماعرف كم المقاس بالضبط ؟ :0148:
يعني امي تقول انها مو بالحجم هذاك اللي شفته … فياليت بنات تعلموني كم انسب مقاس شمعة اقدر اتدرب عليها تكون نفس حجم السونار المهبلي ؟؟ واللي عندها صورة بتساعدني كثير اللللله يعافيها …
هل هو يختلف من مستشفى ل مستشفى ؟
الله يفتحها عليكم ويفرج همكم ولا يوريكم ماتكرهون في انفسكم ولا في احبابكم …
الله يجزاكم كل خير وعذرا ع الاطالة .. بس حبيت اعرضها باختصار يمكن احد يقدر يفيدني …
:ق100:
