السر اللى محيرني

السلام عليكم ورحمة الله وبركاته كيفكم حبايب قلبي ……….. يارب تكونوا بصحة وعافية وستر ………… انا عندي مشكلة ومني عارفه كيف اتصرف فيها … ومالقيت غيركم يساعدني في حلها بإذن الله… المشكلة انو اهل زوجي عندهم شغالة اندونيسية مالها الا 9 شهور وهي شكلها صغير بس عمرها امكن 25 او 26 سنة مااعرف بالضبط بس شكلها صغير ونحيفة وهيه تقول انها متزوجة لها 4سنين بس ماعندها اطفال … المهم هيه مره طيبة معايه ومع اهل زوجي وكل شئ يصير لها تقولي وتفتح قلبها ليه …..من يومين جيت عند اهل زوجي وأتكلم معاها الا تقولي ابغى اقلك سر خطير بس احلفي انك ماتقولي لاحد طبعا انا حلفتلها وخلتني احلف على المصحف اني مااقول لاي احدوخلتني احلف بالله على عيالي اني مااقول لأحد وانا حلفت اني مااقول لاحد عشان ابغى اعرف الموضوع ……. انا زوجي عندو أخ مومتزوج موظف وعمره 33سنة وانامتزوجه من 8سنين وماشوف عليه الا كل خير مؤدب ومحترم مرررررره ومايطالع في الحريم يعني مره خلوق ماشاء الله حتى كنت ناويه اخطبله من اهلي لانو مره كويس بس هيه فاجئتني فيه تقولي انو هوه يتحرش فيها ويقولها انو معجب فيها ومايقدر يستغني عنهاوانو مايقدر يعيش من غيرها ..وانو لما تعطيه شئ يمسك يدها ومره في المطبخ حاول يضمها من ورى وحاجات تقشعر البدن صراحة …وهيه تقول انو صدته كم مره وضربته كف وتقوله انها متزوجه وتحب زوجها بس هوه يقولها ادري بس انا مني قادر اصبر عنك وكلام ماسخ .. انا صراحة انصدمت منه صدمة عمري لانو كان في عيني شئ كويس وفجأة …. المهم هيه تقولي لاتقولي لأحد لأني ابغى اشتغل ما ابغى أسافر لانها على قولتها انها فقيرة وزوجها فقير وتبغى فلوس عشان تبني بيت في بلدها وهيه ماتبغاني أقول لزوجي عشان ماتصير مشكلة في بيت أهل زوجي …وانا مرررررره ضايعة مني عارفه كيف اتصرف … اول شئ انا حلفت على المصحف اني ماأقول لأحد طبعا قبل ماأدري عن القصة … وتاني شئ ماابغى تصير مشاكل في بيت أهل زوجي بسبب اني قلتلهم…. تالت شئ زوجي دحين مو موجود في المملكة مسافر دورة خارجية لمدة 3 شهور وماني عارفه ايش اسوي مرررررره محتاره وخايفة ومتضايقة ومصدومة وماابغى المشكلة تتطور ويوقعوا الاتنين في الزنا لاسمح الله … وماني قادرة اتكلم … دلوني ربي يسعدك