عالم البنات النسائي كل ما يخص المرأة العربية من ازياء وجمال والحياة الزوجية والمطبخ
….الـــســــلام عـــليـــكم ورحــمــة الله وبـــركـــاتــــه….
السالفه ومافيها أبي من وقتك الغالي ياغالي… 😆
واذا ماعندك وقت خلاص قفلي الموضوع ومتى مافضيتي اقرايها وانتي هاديه ومركزه زين زين…
أرجوكي تقراي هذه الرساله الى الاخير.. وتاكدي أنك انتي المستفيده وراح تحسين براحه رهيبه :
شوفي عزيزتي… أكيد انكي شايفه الناس كيف قاعدين يسعون ويتفننون في طلب الرزق .. هذا راح ياخذ قرض ودخل الاسهم وهذاك طول يومه بعارض السيارات وهذاك طاحت عيونه من كثر مادرس وتعلم ,, وهذا ماعاد شاف اهله من كثر مايدور على تجارته ,, و..و..و..و..و…
وبصراحه مأحد يلومهم .. الكل يبي رزقه وينبسط بحياته .. بس فيه شغله ناس كثير جدا مافكروا فيها … حتى ماجت في بالهم ألا من رحم ربي..
يقول الله سبحانه وتعالى(( فقلت استغفروا ربكم انه كان غفارا * يرسل السماء عليكم مدرارا* ويمدكم (باموال) وبنين ويجعل لكم انهارا ))..
الاستغفار.. ياناس ياعالم الاستغفار سبب رئيسي لأشياء حلوه في حياتنا .. أشياء ياما وياما تمنيناها..
من فينا مايحب المطر..؟
من فينا مايحب المال..؟
من فينا مايحب يكون عنده اولاد وبنات..؟
من فينا مايحب يعيش بوسط جنات وانهار في الدنيا..؟
هذي كلها أشياء خياليه..من جد خياليه .. وماهي صعبه ولامستحيله على
رب العالمين سبحانه.. الله قادر انه يحققها لنا…
بس المطلوب منا ..؟ 😉
شي واحد وبس.. ولا أسهل منه ..**الاستغفار** والاكثار منه..
طيب والنتيجه..؟
أن اقولك النتيجه:
النتيجه عسى ربي يحفظكم ويسلمكم ان الاستغفار سبب في نزول المطر (باذن الله)..
وسبب في زيادة الرزق وبالعربي زيادة المال.. وسبب في ان الواحد منا يرزق بالذريه الصالحه ان شاء الله
وسبب في تحول اراضينا الى جنات وانهار.. وهذا مو كلامي ولا كلام الشيخ فلان ..لا هذا كلام الله سبحانه
الله الله في الاكثار من الاستغفار.. 😉
… استغفر الله الذي لا اله الا هو الحي القيوم واتوب اليه… 😆 🙂
ناتي الى الوقت الذي تقدر ان نستغفر فيه وتجد فراغ كافي تستغفر فيه فما اكثر الفراغ الذي يمر علينا وتمر الساعات والساعات ولاحتى يستغفر فيها الله ولو مره واحده
عند جلوسك في انتظار ظهور اسمك لدخول الى الدكتوره او انتظار ظهور رقم الحجز في المطار..او انتي راكبه الطائره او السياره
وكم من مشوار يقتل فيه الفراغ في غيبه ..او سماع محرم ومااكثر الاوقات والاماكن التي يمر علينا الفراغ بالساعات ولايذكر الله فيها ولو مره واحده
تذكر قول الله تعالى (يوم يعض الظالم على يديه.. الى اخر الايه
وذلك حسرة عل مافاته من وقت لم يغتنمه في طاعة الله ..
استغفري الله في اليوم 100 مره والله سهله
قسمها عللا خمس صلوات اي 20 مره بعد كل صلاه او قبلها
مره في الشهر100 في 30 = 3000
3000 في 12 = 36000
واعتقد انك تفعل اكثر من ذلك مابالك من يستغفر الله في الساعه 1000 مره
ملاحظه خطيره:
اذا استغفرتي الحين أكيد ان لكي اجر .. اجل وش رايك لو بعد سنه مثلا ويجون ألف واحد يستغفرون بسببك وانت لك مثل اجرهم بالضبط.. وش رايك..؟
طيب تخيلي كم عددهم بعد سنتين .. ثلاث .. عشر سنين ؟
طيب تخيلي ان هالشي مايكلفك الا تقريبا 20 ثانيه .. وشلون ..؟
الشغله انك ترسلها برساله وسائط لمن تغليهم من الناس وماراح يكلفك الا نص ريال ! أو تنقلها الى منتديات او ايميلات ..
تخيلي يوم القيامه وانت تحاسب يحاسبك .. وقتها تتمنى مو حسنه الا نص حسنه
.. ومادري الا وعندك من الحسنات والاجر والثواب .. والسبب رساله..
آسفه طولت عليكم بس من حبي لكم .. هذي الرساله جاتني بلوتوث وكتبتها لكم..
..استغفر الله العظيم الذي لا اله الا هو الحي القيوم واتوب اليه..
..استغفر الله العظيم الذي لا اله الا هو الحي القيوم واتوب اليه..
..استغفر الله العظيم الذي لا اله الا هو الحي القيوم واتوب اليه..
