السابليه من مطبخى امام ضيوفى

ان شاء الله يعجبكم

المقادير

225 جرام زبده

2 ونصف كوب دقيق

ا كوب سكر بودرة

صفار 4 بيضات

فانيليا

بدون بكينج بودر

مربة فراولة بدون بذر

الطريقة

1 – اخفقى صفار البيض مع الفانيليا

2 – قطعى الزبده قطع صغيرة جدا

3 – احضرى وعاء وضعى فيه الدقيق والسكر البودرة واخلطيهم

ثم ضعى عليهم الزبدة وافركيها معاهم مع رفع يديكى لاعلى

حتى يدخل الهواء

4 – ضعى صفار البيض بالفانيليا وواصلى العجن حتى تتماسك

5 – افردى عجينة السابليه بالنشابه

6 – قطعيها بالقطاعة الدائرية نصف الكمية بالقطاعة العادية

والاحر بالقطاعة المفرغة بشكل فراولة او ورق الشجر

7 – شيليها بالسكينة وضعيها فى الصينية وادخليها الفرن

درجة حرارته 180 درجة لمدة 15 او 20 دقيقة

8 – ارفعيها بالسكينة على شبك من السلك لتبرد

9 – خدى واحده عادية وضعى عليها مربة الفراوله

وفوقها واحده من المفرغه بشكل الفراولة

انا حطيت مربة فراوله لان القطاعة بشكل الفراولة

القطاعات بيتباعوا باشكال مختلفة

انا جايبه رسمة الفراولة وورقة الشجر

رصيهم فى طبق التقديم

عملتها وقدمتها لضيوفى وعجبتهم قوى

فقلت طب ماصورها لكم

اضحكم – خدت الطبق بتاعى ودخلت الاوده

من غير مايلاحظوا الضيوف

وجبت الكاميرا وصورته علشان ابقى اقولكم الطريقة

واتمنى تعجبكم فراشاتى حبايبى زى ماعجبت ضيوفى حبايبى