عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكم حبيباتي ان شاء الله بخير وعافيه
حبيت أسأل هالسؤال لأننا اغلبنا بنعاني من هذه النوعيه من الرجال
طبعا دائما باكتشف خيانات زوجي لي مع اني مش مقصره معاه في شيء .. هو يحبني بجنوووون بس ماادري ليه يخون
مشكلتي مش في خياناته .. مشكلتي انو كتوووووووم لأابعد الحدود ومافي بيني وبينه أي حوار وتفاهم في الموضوع دا
يعني مثلا آخر مره اكتشفته فاتحتو بالموضوع وماتكلم ولاكلمه بس بعدها تعب شويا وصار راسو مصدع … ونام وصحي تاني يوم ولاكأنو صار شيء يعني كأنو يقولي انسي الموضوع واللي فات مات وخلينا نفتح صفحه جديده .. اليوم اللي بعدوا وعدني يسفرني سفريه داخليه على قولتوا يبغى يوديني على فندق قدام الحرم .. وفي الليل اشترى ساعة حائط مكتوب فيها احبك وقلوب ومن الكلام دا … وطبعا اليومين دي مزود شويه في كلام الحب احبك ياعيوني ياقلبي ومن الكلام دا
يعني الموضوع بالنسبالو منتهي خلاااص وانا اللي يصير يصير فيني
كيف اتعامل معاه والله تعبت واحترت في نفس الوقت .. أبغى ارسلو رساله على جواله وابين له فيها اني مجروحه وتعبانه يعني مو معقول كل مرررره ينتهي الموضوع بالسهوله دي عندو وانا اقعد على نااااري
ساعدوني يابنات ايش اسوي ايش اكتبلو كيف اتصرف أنا مصره المره دي ماانهي الموضوع بالسهوله هذه لاني تعبت واخاف يصير فيني شيء من تصرفاته الغبيه هذه
انتظر ردودكم
