عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ممكن تفسرون لي أحلام تدور حول موضوعين دايما تتكرر معي
مع العلم اني مخطوبه وعمري 25 سنه وحالتي الدينيه عاديه
1- الموضوع الأول دايم اتحلم اني الآن بتزوج وماكفاني الوقت اني اتجهز بس بأحداث مختلفه
وهذا الحلم تكرر كثير قبل خطبتي
ومن ضمنها مره حلمت تقريبا قبل 6-7 سنوات اني بتزوج وخيروني بين فستان زواج ابيض او اسود واخترت الأسود وبعد مالبسته حسيت اني ندمت وتمنيت الأبيض
أما الآن أنا مخطوبه ( بدون ملكه ) وحلمت قبل اسبوع اني بتزوج مره اقول بالحلم ان اليوم زواجي ومره اقول يوم 25 من الشهر والحلم كله يدور حول اني ماتجهزت ولا شريت شي ولا رحت اتزين وهكذا واذكر اني قلت بالحلم شلون المعرس يحدد يوم 25 بدون موافقه ابوي وكنت بالحلم انتظر اتصال من ابوي عشان اتجهز
مع العلم ان هذا الحلم الأخير كان بعد الفجر وحالتي الدينيه عاديه ومخطوبه
2- الموضوع الثاني دايم اتحلم اني حامل أو في حالة ولاده أو عندي أطفال صغار وتكرر قبل الخطبه كثير وبعد الخطبه
وطول الحلم احس اني فرحااانه مره اني حامل بس افكر وش اقول لاهلي لو يسألوني عن الحمل من مين أو الأولاد من وين ؟ وهذا الحلم يتكرر كثير بس بأحداث مختلفه
مع العلم اني اموت بالأطفال وخصوصا المواليد .
آسفه على الإطاله وأتمنى القى عندكم الجواب الشافي لأن هالموضوعين مره مقلقيني
وجزاكم الله كل خير
