عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
اخواتي العزيزات
طبتم وطابت ايامكم بالمسراااات….
قبل لفتح قلبي لكم ارجووكم من اعماقي الجريحه لاتزيدو علي القريحه لاتوبخوني ولاتقلبو الدنيا علي
لنو لوقريتو الي بكتبه لكم بعقولكم مو بقلوبكم راح تعرفو اني صح وهاذا شي عااادي ارجوكم اعتبروني اختكم لن بجد ماعندي غير وحده ومتزووجه وراحت بعييد عني وامي لاهيه مادرت عني وابوي ماشوفه الا بالسنه حسنه ع قولتهم واخواني اخ بس اسكت وربي سالت دمووعي…
اختكم في الله جالسه بالبيت وانتو ادرى بالفرااغ ومايسوي والوحده الي بدت تخنقني وربيييي….كني عايشه بسجن رغم وجود هلي حولي بس محد داري بالثاني المشاعر جاافه والاحاسيس مقفله…
بقول قصتي من البداايه عشان تفهمووها زيين ومثل ماقلت لكم اقروهاا بعقلكم بعيد عن العادات والتقاليد وكمان المجتمع ومادرو وشو…
انا وكالعاده البيت كله علي تقريبا…واحب احط حرتي بالطبخ…واتمنى كل وقتي شغلللل
لنو بجد امل واطفش…المهم النت وجوده مثل عدمه مللل وربي ملللل مايهمني كثيير ابدا….
وخيتكم بيوم وهي تنظف والمسجل شغال ومزوود سمعت ببرناامج انو في موقع للزواج تابع للندوه العالميه للشباب الاسلامي بأشراف فضيلة الشيخ محمد الهويمل والله يابناات انشديت بقوه وجلست اسمع ومادري جاني شعور واحساس غرييب يابناات مادري وبكل صراحه بقولهاا حسيت ان ربي بيرزقني واتزوج بالي تمنيت من موااصفاات وكل شي
المهم جاني فضول انو ابحث اكثر عن هالموقع واتحرى واشوف هو مثل باقي الموااقع الي مدري شلون هدانا الله وايااهم
لاكن اعجبني وربي جد طلع له قوانين وبأشراف شيوخ وطلبة علم والتعريف بنفسهم دخل مزااجي لن هدفهم شي واحد هو جمع راسين بالحلال مو للتعاارف وكل شي مرااقب ومافي مجال نحط ارقام او اساامي كاامله او ايميلات او اي وسيله للتعارف ابدا مافي ومرااقبه…
لمحه سريعه عنه…
تدخلين وتسجلين طلبك وتكتبي بعض المعلومات البسيطه الطول والوزن والتدين والجنسيه ومن هالامور الرسميه
وبنفس الصفحه تكتبي مواصفات الي تتمنيهاا في الي تبين ترتبطين معااه
وبعدها مثلا لو احد اعجبته معلوماتي وشاف انو فيه تقريبا كامل المواصفات الي ابيهااا يقوم يرسل فقط اود الارتباط هل توافقين او لا
وبعدها ارد اذا ايه او لا المهم لو وافقت يظغط في ايقونه عند الفتيات فقط خطبة هاذه الفتااه ويحيل الطلب لاحد المشايخ المشرفين ويتم الاتصال بالرجال ومعرفة تفااصيله واين يسكن وارسال هويته بالفاكس والتأكد من صحة كلامه..وبعدها يقوم المشرف بمراسلتي واخذ الاسم كامل ورقم الهااتف للوالد والطريقه التي اراها مناسبه واقلهم كيف تتم خطبة هالشاب لي دون التطرق للنت ابدااا…
وبعدها تعلق عضويتانا ومعاد يقدر احد يرسلي ولا شي وتوضع في قسم العلاقات الناجحه او شي زي كذا…
وهو لو يبي يتعرف علي اكثر خلاص صار بأمكانه لاكن كل شي مرااقب مثلا عن العادات والمهور ويعرف شوي عني وانا كمان لو ابي
اخواتي هاذا كله صاار معي…وصدقوني ماوافقت الا بعد ماأستخرت ووجدت رااحه مايعلمها غير ربي..
في البدايه علمت وحده من صديقاتي وكانت غااليه في البدايه رفضت ووبختني ومدري شلون لاكن انا خليتهاا تدخل الموقع وعطيتها معرفي والباسوورد وقرت الرساايل
واقتنعت واعجبتها فكرة الموقع مررره وتمنت لي التوفيق ودعت لي بالخيير
الي بقوله وابي مساعدتكم…انو الرجال مو من قبيلتنااا من قبيله اخرى..يعني بعيد عنا ومو نفس شكلناا…
وابوي زماان كان راافض هالشي…بس الان مادري عنه…
وكمان..مادري المراسله بييننا مو بشكل يومي ولا شهري لا.. تطول والله..بس لو بغى يخبرني بشي مثلا عن اي خطوه بيقدم عليهاا ارسل…وغيره لا…وهاذا مريحني والله واحسه صاادق
والشي الثالث انو تعلقت فيه بشكل جنوني يابناات..وخلاص مابي غييره ابدااا واتمنى ربي يرزقني ايااه لنو بجد لقيت فيه الي ابي وفوق مابي بفضل ربييييي
الكلام هاذا كله له اربع شهور تقريبااا وهوه عيبه شي انو شغله مره مظغووووط وسفرياات وعقود مع شركات ومن هالاشياء
ان قبل شهر ارسلت له لنو مادري تحديت نفسي وقلت لازم اكبت جمااحهااا خفت انو يكون كذاب ويعلقني وانا اروح فيهاااا
المهم قلت خلاص انا مابيك وكلام منسق وعقلاني..انو اتمنى ربي يرزقه ببنت الحلال الي تسعده وعسى ربي يعوضه خيير ومن هالكلام
بصراحه انا توقعت ان رده بيكون عادي يعني بنتفاارق لاكن صدمت والله
طلع متعلق ومايبي الا انا واعتذر لي على تأخره ويقول والله انو انشغلت شغل تعبني صارت عنده مشااكل
وكتب كلام كثير وبالاخر كتب لي انا ماراح اغصبك علي انتي وبرااحتك لاكن والله اني وجدت فيك كل الي ابيه والااذا انا مو كفؤ وماتبيني فهذا شي ثااني وكمان
بصراحه احترت واستخرت ودعيت انو ربي يرشدني للصح
ورديت عليه رد رقعت فيه ومشى الوضع
وارسل رساله لي انو يبي قراري النهااي يابكمل معه ولا لا
انا اتخذت قراري بعد تفكير واستخااره والحمد الله اي شي اسويه احس رااضيه بفضل ربي
قلت خلاص بدينا سوى ونكمل حتى النهاايه..
المهم رد يعتذر عن تأخره ومن هالكلام ولاكن وعدني انو قريب اسمع اخبار حلوه
وختم رسالته بدعوات تثلج الصدر صرااحه…
وهالرساله كانت قبل اسبوعين ونص…
وبس هالقصه تقريبا كلهاا…
كل الي ابيه هل انا صح ولا غلط…
رغم قنااعتي اني صح…
اخاف بعدين اندم وممكن العكس ماادري انا بدواامه وربي اغرق برغم اني مابي غير هالرجااال
وكمان اهلي لو درو بموضعي هاذا بنذبح بالرغم اني اشوفه شي عاادي حلال مو حراام مو مثل المسيار وطقته لاكن تعرفو كبار السن وكمان انا بحثت عن الزواج عبر مواقع النت ولقيت ردود بصراحه تثلج الصدر فيها من العقل والاتزان الشي الكثير وكمان كثيير قصصهم وكيف تزوجو عبر النت وانهم عايشين بسعااده مايعكرها شي ومانقول في معاارضين الا فيه وواجد بعد لاكن بجد بهالاشياء الواحد يفكر بعقله وبمنطق مو الناس بتقول ولا مدري شلوون لو بنضل على بعض المبادئ الخطئ بنمووت وماتغييرت
ارجوكم ساعدوني وربي حالتي زفت وكل شي
لاكن املي بربي كبيييير وثقتي فيه اكبيررر
استخرت وماخبت
وهاي استشارتي وان شالله مااندم واسعد بردودكم
ادري طولت ..بس مادري شقول..انتو طيباات وعشمي فيكم كبيير…
مالي غيركم استشيره…
ادعولي بصدق وبقلب مخلص ارجوووكم
اختكم جروح
