الرعــــــــــب

مرحبا فراشات,,,
مادري اذا الموضوع مكرر ولا لا بس قلت بكتبه وبشوف الفراشات
نفسي ولا بس انا اللي اخاف منه ألا وهوالصرصور ياوووووووه:P
اكره شي بحياتي لويخيروني يحطوني بغرفه مع حيايه او عقارب
وغرفه فيها <زهيوي> صرصور طبعا بدون تردد اختار غرفة الحيايه
والعقارب والله من جد تخيلو اذا شفته على طول اصااااااااااارخ وشكلهم
جيراني يحسبون زوجي يطقني من الصياااااااح والمشكله اذا شفته اصايح
بمكاني ما اطقه بس اقعد اطالعه من بعيد وين يروووح واذا زوجي موجود
اصارخ وانا بمكاني ماروح مني مني عشان اتأكد ان ذبحه واذا قالي يله شيليه قطيه بالزباله انحاش واقول والله ماشيله واذا عصب ابجي ➡ بس ماشيله عاد هو من طقت انه بيدربني يقولي يالله جيبي مكنسه وانا معاج بس دزيه وذاك اليوم حاولت ونجحت جان يقول بنتي الشاطره 😉 ..يتطنز هههههههههههههه
طبعا عندي اربع بف باف جدد وبقولكم موقف قبل خمس سنوات مو شي توني عروس وقاعده الضحى وزوجي مداوم المهم شفت زهيوي يالله يمشي بالصاله يوه شفته تيبست بمكاني وادق على بو الشباب واقوله فيه زهيوي
يخرع بالصاله طبعا اكلمه وانا ابجي جان يقولي اذبحيه قلت شنووووو
لااااااااا اخاف منه جان يقولي شسويلج يعني قلت اطلع جان يقولي نعم انتي من صجج
ولا تدلعين… المهم سكر مانفعني بشي قلت ماكو الا اختي بدق عليها يمكن تفزعلي واعلمها السالفه جان تضحك وقالت عيدي السالفه بحط عالسبيكر عشان تسمع البنات جان اسكر منها طبعا زعلانه انا خايفه وهم يضحكون المهم قعدت باخر الصاله اطالعه وماتحركت لين شفته ماتحرك ابد طلع ميت من البرد هههههههههه 😡
يله ابي مواقفكم وابي تفاعل..