` ~`الرحيـــــــــــــــــــل` ~`

مابقالي غير همي والرحيل ……… وشي من ذكرى زمانك باقيـه

اعذريني مابقا صبري يشيل …….. صعب احفظ الود وانتي لاهيـه

شفت نفسي في ظما درب طويل …. والسراب يلوح بارض خـاليـه

ماقويت أمشي وأنا مالي مقيل …… ولاقويت أحلم وعيني واعـيـه

صارت الذكرى علي هم ثقيل ……. وصارت احلامي ورود ذاويـه

مابـي اوهام تضيعني الدليل …… ومابي أذكر شيء وانتي ناسيـه

لاتلوميني جفـا خـلا خـليـل ……. عاتـبـي نفسك ونفسي راضيـه

عاتبي نفسك على الحظ القليل ……. لوسمعتـيـني وصـرتي وافيـه