عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
بالبداية اتمنى من المشرفات مايحذفن موضوعي ولا ينقلنه لاني فضلت اكتبه هنا لاجل الفراشات يطلعن عليه
عزيزاتي الفراشات من فترة الاحظ بعض العضوات تشن هجوم على من تطرح مشكلتها لين يوصل الامر لحذف الموضوع وخاصة قسم الحياة الزوجية عساني مااحتاجه يارب
يوم تجي الوحدة ضايقة فيها الدنيا تبي تشكي تجي مجموعة تتهمها انها رجل ليش ماالوحدة تحسن الظن بغيرها ؟
ليش ماتلتمس العذر لها يمكن من تعبها النفسي اللي تمر فيه ماتوضح مشكلتها زين يمكن قدراتها على الكتابة كذا متناسيات الفوارق اللي بيننا فيه من هي تحمل اعلى الشهادات وفيه من هي تعليمها متوسط وكذلك الاعمار
الوحدة المفروض ترد بااحترام او اذا مو عاجبها الموضوع لا ترد مو محلوف عليها تجرح صاحبة الموضوع المنتدى للكل مو مقصور على احد
الوحدة مسويه لها قروب والردود واحد هجوم على صاحبات المواضيع
يمكن تقولن وش دخلني اكتب لاني صار لي كذا اول ماسجلت وحدة من العضوات تلفضت علي
واذا على قولهن للاخوات انهن رجال الحين فيه رجل بالمنتدى ومسجل من زمان وللحين موجود عضويته ولا وقفت ولا شيء وهو موضح باول موضوعه انه رجل وعازف وينكن عنه او مو شاطرات الا بالمسكينات اللي صاكه الدنيا بوجيههن
ومشرفات القسم ماطقن خبر الوحدة ياتقوم بعملها زين ياتترك الاشراف العمل امانة تحاسب عليها
أعتذر للاطالة لاني مقهورة من بعض التصرفات
دمتن بحفظ المولى
