الذ واروع واحلى روبيان – جمبري- ممكن تذوقينه بحياتك اكتشفت السر الخطير كمكمووو

اليوم اخترعت تتبيله جهنميه للريبيان يالله عمري ماذقت مثل هالطعم
وما عمره ضبط معي اصلا

لدرجة اني حرمت يدخل بيتي

لكن قدر الله علي وخلص الدجاج واللحم وما فيه الا الربيان يقول ما لك غيري يامنيب قايل ويميل خشته<<< ايه وش فيكم منتم مصدقين 🙁
الموهيم

وانا اللي امعطه واغوله غول وواغسله واقعد اناظره :: وش ابقولبك بس اللهم الهمني الحكمه

وتجيني الحكمه <<< اها اخلصي علينا

اييييييييه نخوش دوغري عالمقادير

نصف كيلو ريبيان – وفي روايه روبيان وفي رواية اخرى جمبري<<< ميب خالصه ابد 😈 >>>>>اللبيب بالاشارة يفهموووووو ❗

الموهيم

هذاك ال قلت وليمونه معصوره وملعقة صويا و2 فص ثوم كبار مهروس وملعقتين كتشب وملعقه ص كمون وملعقه كبيره زنجبيييييييييييييييييل <<< هذاهو السرررررررر

وملح وزيت زيتزن حوالي نص فنجال القهوه

وخليته منرزع في التتبيله ساعه افكر وافكر وافكر ياترا وش بسوي به

واخيرا قررت اقليه

جبت كيس فيه حوالي كاس دقيق وكبيته فيه بعد ما صفيته من هالتتبيله
وخضيته خضييييييييييييييته ليمن تغلف بالطحين

وبعدين غططته<< غمسته في بيضه بعدين قلبته فالبقسماط

وقليته

وجهزت معه رز بشاور ببصل مقلي
وخبز وحمص شتوره مخلوط مع زبادي و وزيت زيتون <<< قلت نستر شوي من فضايح الروبيان
وببسي طبعا:D

وحطيته وايدي على قلبي

ويوم ذقته يوووووووووووووووووووووووووووووووووووه بغيت اصييييح

😛 😈

وشذا ياندو وشذا والله منيب سهله

واسال الادمي القاعد بالجوار شرايك لا تعليق<<< عادي عادي لاحد يضحك متعودين عالتزليب
ولازالت ندو تغمرها نشوة الانتصار ولا كان الادمي اياه مزلبها
ترجع تسال شرايك بس

😆 🙂
ولا زال يلتزم الصمت ويفترس الروبيانات الواحده تلوا الاخراااااااا
وه بس ياحبيلي

من بكره بضف ربيان الديره كله <<<<<<حيخلصووووووووووه

😆 🙄 وجعتكم روسكم صح 😳
http://travel.maktoob.com/photo/data…3-30_00001.jpg
>>>>لزوم القرقه ووجع الروس

👿