الدنيا دواره!!!

مساءكم كادي .. وصباحكم سكر…

حبايبي وفراشاتي انا مو جديده على المنتدى انا معاكم من 5 سنين تقريبا بس لي يوزر نيم ثاني حبيت اسوي واحد جديد اخلي فيه فضفضاتي عشان يكون اكثر سريه بالنسبه للي حولي… 💡

ببدى لكم قصتي اللي ترجع من اربع سنوات من عمري.. انا جدا محتاره وابي اراءكم ومساعدتكم لي..

القصه ترجع الى اليوم اللي انخطبت وتزوجت بنت خالتي مع العلم ان انا وياها كنا <<ولاحظوا كنا ………..! اكثر من توئم روح..

تزوجت وربي وفقها بطريقها وهي اكبر مني على العموم كان لها اخت زوج كانت بذاك الوقت لسى صغيره يعني في فارق بالسن بيني وبينها يمكن 4 سنوات على العموم البنت هذي منطويه على نفسها تعلقت فيني وارتاحت لي وصارت معي دايم مسن ومكالمات ودايم مشاكلها عندي انا حرصت على كل شي تقوله لي لاني اعتبرتها اخت بس حطيت بنت خالتي اللي تصير مرت اخوها بالصوره وقلت لها ان فلانه انا وياه نتكلم ونسولف والبنت يشهد الله ماتجيب طاري لا اهلها ولا اي شي يخص البيت..!

كانت نيتي صافيه ماتوقعت بنت خالتي هذي غيوره لدرجه تحقد وتحفر لي انا ويا اخت زوجها عشان تفرقنا وفعلا صار اللي تبيه وسووت مشكله ولفت ودارت عشان توصل للحريم الكبار ان العلاقه غلط وان البنت تطلع فضايح بيتهم عندي وفعلا رجعت السالفه على راس البنت وعلى راسي وربي شاهد ماكان فيه شي من اللي قالته…!

البنت اللي هي اخت زوج بنت خالتي خافت على نفسها وقلبت الطاوله على راسي وحطت كل عيوب الدنيا فيني وكل وحده من الثنتين تبي تنفي عن نفسها المشاكل عشان تطلع من السالفه اللي تحولت من سالفه الى مشكله تدخلوا فيها الامهات ووصلت لزوج بنت خالتي …! ماادري ليه كل هذا من الغيره معقووله بس..!

المهم صارت السالفه على راسي وصرت انا الشينه واللي فيني ومافيني وانا اللي بخرب بنت اصغر مني وانا اللي انقل الحكي واشيااء واشيااااء ما ادري من وين طلعت كل وحده من الثنتين بوجهي تبين انها المسكينه والمظلومه وبظهري تطعن وتطعن وتبري نفسسها من تهم باطله بالاساس وانا ياغافلين لكم الله ماادري وش الطبخه..! وفعلا امي اللي هي امي وقفت ضدي هي وخالتي… وام زوج بنت خالتي اللي هي ام البنت ماصارت تناضرني بعيونها…!

اااااااااااه وش اقول فتره بحياتي مرت وانظلمت فيها ظلم مايعلم فيه الا الله ..! وعلى هذا كله تتوقعون اني سويت شي لا مع الاسف من قوه الصدمه كنت كل ليله ابكي على المخده وش لون صديقه عمري بنت خالتي تغدر فيني وليه ماادري…!
واللي وثقت فيها بيوم اخت زوجها تتبلاني هي بعد حتى لو كان عشان تحمي نفسها ..! عذر اقبح من ذنب..

مشت الايام وفعلا لو قلت لكم كلمه ((انكسرت)) قليله بذيك الفتره ومرت الايام واجتمع معهم غصب عني بالاجتماعات العائليه ولا احاكي احد فيهم اعتبرهم مجررد ديكور بالصاله ..
وقفت على حيلي ورجعت قويه والطيبه اللي كانت بيوم بقلبي شلتها وصرت اقسى من القسوه نفسها .. كانت الغيره والحسد تذبحهم لما يشوفوني كل يوم عن يوم اضحك ولااافكر بالدنيا ولايهمني وش نظرتهم لي او وش ببالهم عني.. بالنهايه ربي اظهر الحق و دارت الدنيا والدنيا دواره ورجعت بنت خالتي هذي تترجى فيني ارجع لها مثل ماكنت تتجى اسمع اعذارها … تدق باليوم 50 مره جوالي ماارفعه تحاول وتحاول حتى وصل الموضوع لخالتي نفسها وحاولت وحاكتني وانا رفضت كل الوسطات قلت انا لا اكرها ولا احقد عليها الله يسامحها ويبعدها عني وبس!!

سبحان الله يابنات الحين انا موظفه وعندي صداقات وحب وحوالي بنات يعشقوني ولله الحمد بس ماتعبت بنت الخاله هذي انها ترجعني…!

اليوم بلا اي مقدمات جاني مسسج …! والصدمه من مين من اخت زوج بنت خالتي ..! وكل مسجاتها حكي وحكي جابت رقمي ماادري من ووين بس طلعته من تحت الارض دارت عليها الدنيا وهذا كلامها .. تقول دارت علي الدنيا وانصدمت وانجرحت وتذكرتك بعد 4 سنوات … ابيك تسامحيني وتفهميني هي اللي اجبرتني اني اسوي كذا عشان ابري نفسي ..!

جاتني صدمه من هالمسج .. جاتني رجفه .. دمعه…

ياارب كيف سبحان الله دارت الدنيا وذليت الثنتين عندي بعد ماذلوني وبكوني اياام ..

المهم انا الحين ماادري وش اسوي بنت خالتي استحاااااااااله اسامحها او ارجع معاها.. خلاص نسسيت ايامها..

و اخت زوج بنت خالتي الحين انا محتاره فيها ماابي ارجع معاها..! بس حسيت انها محتاجه مساعده لانها طايحه بمشاكل ولاعارفه تحلها وباين من كلامها انه ماهي لاقيه مثلي احد تثق فيه ويساعدها..!

انا مستحيل ارجع صديقه.. الشاطر ماينقرص مرتين

بس هل اسمع لها واساعدها على كل اللي سوته فيني اقول بنفسي يمكن ربي يفتح لي باب خير ورزق من وراء هالمساعده

او ابعد عن المشاكل واللي جاء منهم كفايه …..!!!