الخيانة طعمها مر مر

السلام عليكم ورحمة الله وبركاته ….
اخواتي الفراشات هذه اول مرة اضع مشكلتي في هذا القسم كنت دائما اسمع لكم وارد عليكم برأيي والان جاء دوركم ردوا علي الله يخليكم ….
راح ابدأ القصة …. وسامحوني على الاطالة…انا من النوع الشكاك والحذر والغيور من كثر ما أقرا في قصص الاخوات اتعلمت منهم وصرت مرة حريصة مع زوجي 😆 🙂
المهم شكيت في زوجي في ايميله في شخص جديد وسألته من هذا الشخص قال ما ادري هو طلب اضافة عندي واضفته … الصراحة انا قلبي نغزني وحسيت في شئ بس مرة عمره ما ارسل لهذا الشخص ولا تكلم معه المهم مرة رحت لاهلي ورجعت بيتي اخر الليل وانا من النوع افتش وراء زوجي بس الايميل ولقيت محادثة بسيطة مرة وكان الكلام موجهة لبنت انا انجنيت ورحت علمته قال انا اعطيت ايميلي لاثنين من اصحابي وشاك فيهم وشكلهم يتبهللون علي ماصدقت بس مشيتها وبعد كم يوم جات له رسالة من رقم من برا كان جنبي ومالقط غير الرقم وكلمة سوري …. رحت قلت له وريني مارضي وقالي انتي ملخبطة وزعلت منه وجاء راضاني وهو نادرا ما يتأسف فكمان هذا الشئ خلاني اشك زيادة واليوم اللي بعده هو اليوم المشؤوم رحت لاهلي العادة وهو عند اهله ساكنة مع امه في نفس العمارة المهم نزل البيت وجلس على النت وانا من بيت اهلي جلست على النت وفتحت ايميلي ولقيته متصل فرحت وكان نفسي من زمان اكلمه بالمسن يعني نسوي حركات واتبسط مرة ولمن رجعت البيت اخر الليل فتحت سجل المحادثات حقت زوجي باحفظ محادثتنا لقيت نفس الايميل القديم اللي كلمه قبل فترة مكلكه هالمرة وطلع فعلا بنت انا خلاص والله ما اقدر اوصفلكم شعوري حسيت قلبي يدق مرة بسرعة واعصابي كلها تتنافض ما قدرت على طول ناديته وواجهته جلس يحلف هذا ولد خالي يسوي في مقلب وراح قلب الموضوع علي انتي ليه تفتشي وراي وانت وانت المهم رحت انا المسكينة صدقته واتأسفت منه بس مازال قلبي في شئ ما خلاني انام ومن اليوم الثاني جيت وقلتله انا شاكة فيك … رد بكل بساطة عفا الله عما سلف … في هذه اللحظة لو احد شافني قال هذه مات لها احد صرخت باعلى صوتي وبكيت بحرقة وهو يهدي فيني وانا مافي فايدة احس اتصدمت فيه مرة وجلس يراضيني ويبوس راسي ويدي والله العظيم باس رجلي كمان بس انا خلاص وقتها حسيت نفسي في عالم ثاني كيف قدر يسوي كذا كيف قدر يستغفلني كيف ماجيت على باله فين الحب فين الاحترام احسه اهانني احسه جرحني بقوة والله انها صفعة قوية مرة المهم جلست قرابة اسبوع وانا زعلانة منه ولا اكل ولا اكلمه ولاشئ وهو بس يراضي في ويتحمل كل كلمة مني …. الى ان سامحته وحذف ايميله بس المشكلة جزء من قلبي ماهو راضي يسامحه صح رجعت تقريبا زي اول بس احس بغصة كيف قدر يكلم البنت وطلب يشوفها وشافها بمكالمة فيديو بالجوال وهي مندوبة تعرف عليها من موقع هو مشترك فيه واشترى من عندها عطر …….
كيف قدر يسوي في كذا ……… انا مابدأت افتش الى لمن شكيت فيه وافتش بس الايميل
الاسئلة هي كيف اقر اسامحه ؟ كيف اقدر انسى ؟ كيف اقدر اثق اثق اثق فيه مرة ثانية ؟ احسه جرحني لان زوجي والله العظيم ماهو من هذا النوع ابدا عشان كذا كانت صدمة قوية يقول لي لقافة وحب استطلاع ……..
والله اني مرة تعبان والموضوع شبه اتقفل ماابغى اعيده كل شوي ماني عارفة اش اسوي الله يخليكم شوروا علي ؟؟؟؟
شكرا جزيلا لكل الاخوات اللي ردوا علي بس انا والله ماكنت كذا ماني شكاكة مرة لمن اغيب عنه افتش وراه بس الايميل وبعدين سؤالي كيف اثق فيه مرة ثانية وما أشك فيه غلى طول ابغى ارجع زي اول ما افتش جواله ولا جلسته على النت ….
والله مرة تعبت وزوجي كمان بدأ يتعب بس والله ماني قادرة انسى ولا أظنش ؟؟؟؟؟