الخوف خرب حياتي

السلام عليكم
بنات انا عندي مشكلة والله منحرجة بس وش اسوي ان شالله انكم خواتي اللي الاقي عندكم الحل
مشكلتي يابنات الخوف اذارحت عند ناس او ركبت السيارة على طول احس بطني يمغصني بقوة احس ابي اراروح الحمام واكره عمري وخصوصا زوجي من النوع اللي ياخذ اخوانه معه بالسيارة وهذا الشي مزود الاحراج عندي صرت اكره الطلعات اعتزلت الناس كل محد يعزمني اطلع لي عذر جديد احس الناس اخذوا موقف مني اني مقرودة مااحب احد حتى اهلي والله العظيم مااروح لهم الا بعد اشهر تخيلوا
امس زوجي جرحني اخذ عيالي الملاهي قال كل واحد جاي هو وزوجته يسولفون ويتمشون وانا لحالي .حتى بناتي يقولون احنا نروح وانتي تجلسين بالبيت ماينلامون عندي خفارة بالشقة 24 ساعة
امنيتي يابنات اني اطلع بناتي للملاهي ازور ناس اسافر زي الناس وانا بس جالسة بالبيت تقولون خايفة البيت ينسرق والله قهر يابنات حسوا فيه زوجي الحمدلله مهو مقصر يوم قلتله بغى يذبحني قال مافيك الا العافية والله يابنات اني احب الناس بس مدري وشفيني نفسي اروح لدكتور بس اخاااااااااااااااااااف
دبروني يابنات اللي عندها حل تساعدني واللي ماعندها ترفع يدينها وتدعيلي ان الله يشفيني من ذا البلا والله احس عمري راح وانا متقوقعة على نفسي