الخميس الموافق 7/10/2010 الساعة 11,59دقيقة كان اليوم المفاجئ ((ولادتي))

السلام ليكم ورحمته الله وبركاته
طبعا ياحبيبناتي واخواتي الغاليات كنتو اول ناس في العالم ابلغهم بخبر ولادتي
اما قصة فهي كانت كالأتي :
اولا انا صار عندي اقتناع انه الحاله النفسية لها تأثير على الحامل لأني يوم الاربعاء صار موضوع اثر فيني جدا وضايقني طبعا صار يوم الاربعاء في الليل ,ولا قدرت انام , والساعة4 الفجر قمت من النوم من الم في اسفل بطني بس كان خفيف مثل الم الدورة خيييييف وحسيت كأنه شي ضاغط اسفل بطني ونفس الشعور خفيف وزاد عن دقيقة ورجعت انام والساعة 7 نفس الكلام الم لكن ماطول دقيقة او اقل والالم من شي ضاغط اسفل بطني فقط ,وقمت من النوم ماقدرت انام من التفكير في الموضوع اللي مضايقني الليله اللي قبلها ,جا الظهر ورجع نفس الالم والضغط وكنت كل ماأحس الألم ماتحرك الين يروح لأنه مايزيد عن دقيقة اودقيقة ونص , شوي شوي صار يجي كل ساعتين ونص ,بعدين كل ساعة بعدين كل ساعة الاربع الصار نفس وعلى هذا الحال الين المغرب جات الشغاله قالت ابروح اجازة قلت روحي,قال زوجي بروح لأهلي تجي قلت لا تعبانه مافيني وراح هو والاولا, شوي صار يقرب وقت الالم يعني بدل ماهو كل ساعة او نص ساعة صار كل 10 دقايق , قلت يمكن ولاده ويمكن صار شي وانا مادري لأني جلست 3اشهر ماراجعت الدكتورة لأنها في ايجازه ولا ابغى اروح عند غيرها ,قمت اتروشت واستشورت شعري وفي نفي الوقت الضغط اللي احس فيه يزداد بس اوقف عن الحركة الييييييييييين يهدا بطني اقوم اكمل الشغله اللي انا كنت فيها شوي على الساعة 10صار الالم أقوى والوقت يطول في كل مرة والوقت مابين كل مرة ومرة يقرب ,
انا من ولاداتي اللي قبل اول دلاله على قرب الولاده نزول المويه لكن هالمرة غير مانزل شي بس ضغط يزداد مع الوقت,, جات الساعة 10,30 ماقدرت اتحمل كلمت زوجي قلت ابغى تجي اروح المستشفى اكشف مره تعبانه .:( قال ايش خلاص ولادة !!باقي ماكملتي التاسع باقي 17 يوم !
قلت وهي بيدي خلينا نروح نكشف اخاف فيه شي غلط لله يستر وانا مادري .
قال طيب شوي واذا زاد التعب كلميني . !! قلت 🙂 اقولك تعبانه ابغى المستشفى تقول اتحملي !!قال طيب الحين جاي . وقتها اخذت معاي شنطتي وشنطة البيبي قلت احتياط لو مافيه شي يصير اخليها في السيارة , وبدا يزيد الالم ولا نزل مني ولاااااااااااااا شي لا مويه ولا غيره بس الضغط اللي اسفل البطن وصار كل خمس دقايق ,انا قريت في هذا المنتدى وحدة قالت شرب كاسة الحليب مع حبة البركة او الحبه السودا واعتقد ملعقة عسل يسهل الولادة ,قمت انا وشربت هالوصفه ,
والبس عباتي,
وجا زوجي ومعاه الاولاد هم جنو من الفرحة وانا جنيت من الام والخوف . مع انها مو أول مره وعلى الالماني شوي اقول هدي تعبت وشوي يهدا الالم اقول استعجل الييين وصلنا 11,30 ولاقدرت امشي من عند السيارة من الالم اللي يجي ويروح ويوم خف ودخلت الطواري ورحت قسم الولاده ودخل وجيت ازون ماقدرت من الضغط مرة ثانيه الين خف , وجات الدتورة بس مو دكتورتي وحده ثانيهاللي مناوبة بس حبوبة جدة اسمها د/ شيرين ,, البنات في المنتدى من كثر مايحكون عن قياس الرحم خفت انا وكأني اول مرة اولد
قالت ابقيس الرحم قلت لا وش تقيسين قالت ماتخفيش لازم عشان اعرف الوضع ايه.
وقاست وانا خايفه طلعت الشغلة بسييييطة ولا تخوف الله يسامح اللي خوفتني اخذ القياس ثواني بس
قمت سألتها قلت كم سانتي ((على اساس 1سم او 2سم ))قالت 9سم خلاص ولاده , وطار عقلي قلت كيف ولاده مانزلت مني مويه قالت مش شرط خلاص انتي في المرحله الاخيره ,انا شوي وابكي من الخوف ومن الالم لأنه يزيد صار كل دقيقة قلت طيب شوفي الله يرضى عليكي انا العاده اخذ ابرة وقت الولادة في اليد وارتاح جيبيها الحين قالت آه مش اللي في الظهر .قلت وانا اتألم من الضغط بس مادري جيبي الابرة وبس ,راحت شوي وجات قالت انتي امتى اخر مره اكلتي قلت فى العصر ,قالت وشربت حاقه بعدها قلت ايه قبل لااجي شربت كاسة حليب ,قالت ايوه ه ه ه ه ه مش حتفيد الابره بأى وماينفعش تاخديها لأن مفعولها مش حيفيد .! قلت يعني كيف قالت ماتخفيش حاديكي مهدأت تنيه مش حتتعبي , ونادت الممرضة نقلتني غرفة الولاده شوي وجابتلي الاكسجين قالت شمي ده حايخفف عليكي شويه , و((وقت الالم الوحده تسوي العجب بس عشان لا تتعب )).
انا كنت اشم الأكسجين واشيل الكمامه اطلع الهوى عشان اخذ فايده اكبر قالولكم ذكيه ,
شوي جات الدكتورة معاها ثنتين وحده يميني واقفة ومن الخوف مسكت يدها ولا قدرت افكها خلاص غصب عني , والثانيه شمالي وجالسه تذكرني بأية الكرسي وتقول قولي لا اله الا الله وتذكرني ادعي لنفسي واولادي الله يسعدها والدكتوره قاست كم سانتي شوي حسيت المويه نزلت والممرضه جابت ابره مادري تبع ايش واللي على يميني اعطتني هيه في الوريدثواني الا وانا دايخة اشوف الغرفة تدور بس حاسه بالدكتورة واسمعها تتكلم وتقول خلاص قربتي تولدي بس ساعدينا والثانيه تهديني شوي والدكتورة تتكلم بس مابنجتني مثل كل مرة لا بس دخت , وجابت ابره ثانيه واعطتني هيه كمان ورجعت دخت واعطتني ابرة ثانيهموضعي اعتقد عشان الخاطة ثواني الا وهي شايلة البيبي على يدها وخلته على بطني ويوم شفته نسيت الالم والله وابتسمت لأول مره انتبه للبيبي واشوف الحبل السري واشوفها هي شايلته بجد سعاده لا توصف ,بعدها شالوه عشان يوروه ابوه ويغسلونه وانا مازلت انا والدكتورة طبعا المفروض خروج المشيمة بعد الولاده بس الغريب ان المشيمة مانزلت الا بالتنظيف لأنها كانت لاصقة وجلست معاي شوي كمان الين خلصت ونظفت بطني وهذا كان سبب تأخيري يوم زياده في المستشفى ,المهم طلعت من غرفة الولاده على غرفة الكشف وجلست ساعتين عشان تأثير البنج او الدوخة وقت الولاده , وانا في الغرفة الله يعزكم استفرغت مادري ليش او ايش السبب شوي جات الدكتورة قالت هذا الحليب اللي شربتيه كان المفروض ماتاخديش حاقه ابدا, احنا نديكي لو تحتاقيه , يعني ولادتي كانت في اقل مننص ساعة,بعدين بعد ساعتين طلعت غرفتي الحمدلله واليوم الثاني طلبت الدكتورة اجلس عشان اسوي تصوير بالالترا ساوند عشان يتأكدو من انه ما فيه بواقي للمشيمه وبعد مالقيت كل شي سليم كتبتلي خروج والحمدلله على كل حال دخلت وهو في بطني خرجت وهو على يدي .
هذي قصة ولادتي ولله الحمد .
نصيحه لكا حامل وبالذات البكارى موكل مايكتب في الأنترنت يطبق اوبيصيرلك مثله لأن كل وحده ماتشبه الثانيه الابالصدفة او لسبب معين والدليل الحليب و الخوف من قياس الرحم وغيره …..
ارجو الإستفاده منها فأنا لم اكتبها عشان بس ابشركم لا كتبتها للفائده والله شهيد . 😆 🙂 😆 idea: 😆 hy: