الحوت والبنات..

وقت حدوث الحلم بالساعه / الظهر

الحاله الدينيه : متوسطه الالتزام..

الحاله الاجتماعيه: عزباء/

المهنه :متخرجه من دبلوم..

حالتك قبل النوم :ماذكر..

حلمت ياختي الفاظله قبل عده شهور انو كنت بمكان بس ماذكره بالظبط وفجئه عرفت ان لي 7 بنات
وماكانو عندي كل وحده حاملها شخص ماعرفهم كانو ناس كثير وانا مصدومه كيف جبتهم..
وبعدين كاني بمكان كذا مثل المسبح الي يسوو فيه عروض دلفين بس كان حوت مودلفين وكان برى المسبح ويقولو هذا هو ابو البنات السبع انا خجلت قلت كيف الحين يقولو بناتي وبعدين كيف اقول لابوي
ان هذا ابو البنات وفجئه قام الحوت يقرى اية الكرسي وانا تفجات اشلون حوت يتكلم وقلت الحين ماحد بيصدقني لو قلت لهم انه الحوت تكلم..
وبعدكذا صرت ببيت لنا بالجنوب قديم وكان صديقتي فاتن معاي وجالسه اوريها بيتنا وكنت خايفه ادخل من عند الباب اوريها كان مظلم وكمان كنت خايفه انو يكون فيه قطط وتجي وحده هذي في الحقيقه تكون مدرسه مابيني وبينها اي علاقه بس كيف جات في الحلم الله اعلم اسمها نفيسه جات بالحلم ودفتني انا وصديقتي من عند الباب ودخلتنا وقفلت الباب وانا اصارخ واصيح افتحي افتحي وجاء ببالي بنتي وفتحت واطلع واركض لبنتي والاقيها عند وحده سيده متحجبه بالحقيقه انا ماعرفهااا واخذت منها بنتي وهي مبتسمه وانا كنت مره خايفه عليهاا وكانت غايه في الجمال بس ماشفت وجهها بنتي كانت منزلته تحت مع ان سنها رضيع وقمت احظنها وافعها من عند البلكونه عشان يشوفو جمالها ونزلتها ع طول وكان في ناس عند البلكونه مع اني بعيده عنها شوي بس كاني اشوف السيارات وناس جالسين عند البلوكنه واصلا المكان الي انا فيه مليان ناس واتخيل ان بناتي موزعين بس خفت على هذي..
وبعد كذا قابلت اهلي ورحنا عند الحوت وقلت له انه تكلم ويوم رحنا وريتهم وبس ماتكلم وكنت مستحيه اقول لهم انه ابو البنات..

وكمان بعدها بشهرين تثريبا حلم طويل بس الي اذكره اني كنت منسدحه على كمدينتي وستارة الشباك مفتوحه والاقي سمكات وحوت يدورون عن الباب كنت اشوف الذيل ةانا منسدحه واقوم اقول يتهيالي خل اقوم اشوف اتاكد واروح عند اشباك الا من جد سمكات وحوت يدورون مثل الدائره وحده تدخل الارض والثانيه تطله من الجهه الثانيه عرفتي كيف على شكل دائره وكل ماتطلع تكون متغيره مره حوت والباقي اسماك وملونه..يوم شفتها وانا بالحلم تذكرت حلمي الي حلمته عن الحوت .. وعدين قلت بنفسي هذي مو اسماك اكيد سراب..