الحمدلله على قضاء الله وقدره اجهضت للمرة الثانية

بنات عندي كم استفسار والله الدكاترة مافي منهم فايدة ابدا
اول شي اني حملت بعد زواجي على طوول وما عرفت لانو وقت الدورة نزل علي دم وسافرت شهر العسل وانواع المشي والتعب بعدين يوم تعبت قلت خليني احلل تحليل منزلي لقيت خطين طرت من الفرح كان لسا باقي دم بعدها بيوم وقف قلت اسوي سونار الدكتورة طولت بالكشف وما قالت انو الجنين متوقف عن النمو ما قالت لانها عرفت انو جايين شهر عسل امكن قالت لا انكد عليهم وقت ما سوت السونار كان ظاهر الجنين 5 اسابيع وكيس الحمل 7 اسابيع رجعت من السفر مرة تعبت كل يوم شي بعدين سويت سونار الدكتورة قالت الجنين ميت من 3اسابيع كانت صدمة قوية علي بس بعدها قالت انتظري اسبوعين اذا ما نزل روحي المستشفى ينزلوه عدى اسبوعين مانزل لا الجنين ولا دم جلست شهر كل يوم رايحة لمستشفى الولادة عشان ينوموني عشان التنظيف بس يقولو لا خلي ينزل لحالو بس كنت اسوي تحليل دم اشوف في سمية فالدم ولا شهر رمضان عدا علي كلو وانا انتظر الجنين يبنزل تاني يوم العيد بدا ينزل دم ثالث يوم زاد رابع يوم نزيف حاد ورحت المسشتفى سويت التنظيف كنت وقتها في بيت اهل زوجي كانت مرة صعبة
المهم ريحت شهرين بعد الاجهاض بعد شهرين حملت وفرحت لاني كنت خايفة اني ما احمل لاني قرات كثير بعد الاجهاض ما يحملو من البداية في موعد الدورة سويت التحليل لمنزلي ما بين خطين واضحين واحد خفيف والتاني غامق من بعد اسبوع من عرفت اني حامل بدا ينزل علي دم خفت من مستشفى لمستشفى ناس يقولو انذار اجهاض ناس يقولو حمل كيس بدون جنين ناس الحمل ضعيف ذكتورة قالت اجهاض دكتورة ثانية قالت لا مافي اجهاض سوي تحليل رقمي مرتين نزل عن الاول سويت تصوير الجنين مو مبين بس مبين بطانة الرحم سميكة يدل على انو في حمل لكن بدون جنين امس رحت المسشتفى الدكتور يقول حمل خارج الرحم
بنات في احد بمثل تجربتي انا الى الان سارلي اسبوعين ينزل علي دم خفيف مرة ومن قبل يومين موقف وهرمون الحمل بينزل امس سويت كان 136
دحين متى ينزل وكيف ينزل هل احتاج الى عميلة تنظيف
واذا حمل خارج الرحم كيف اعرف انا يوم سويت التصوير الدكتورة ورتني المبيض اكيد كان يبن معاها لو في حمل خارج الرحم
والله مرة خايفة مو عارفةفين اروح الخاص استغلالين والحكومي الطوارئ كل وحدة تقول كلام فين اراجع ابغى اسباب الاجهاض للمرتين فين اروح دلوني الله يخليكم
انا من المدينة
اسفة طولت عليكم بس