الحمدلله ..اخيرا حملت ..اقروا قصتي

كيفكم بنات ..انا من زمان بالمنتدى بس ما اكتب ولا اشارك بس هالمره حبيت انكم تشاركزني فرحتي
الحمدلله والحمدلله الف مره وعقبال الكل انشالله ولا تيأسوا من رحمة الله ابد ان الله غفور رحيم بعباده ومايرد دعوة المسلم والمؤمن بقدره
انا يابنات تزوجت من عدة شهور ..اللي اتزوجوا معي نفس الليله واللي تزوجوا بعدي بشهور حملوا وانا لا…كنت انتظر وزوجي ينتظر ونظرات الكل ما ترحم …
رحت بعد كم شهر وفحصت قالولي ما فيك شي ..بس انتظري ولاسويت فحص هرمونات ولا غيره بس مجرد متابعه للتبويض وطمنتني الدكتوره وقالت اصبري ..رجعت البيت وانا متفائله ,,وبنفس الشهر نزلت الدوره والله بكيت من خاطري اكثر من اي مره (لاني كل شهر تنزل فيه الدوره ابكي وابكي)
ويومها دعيت هالدعاء (( اللهم أجرني في مصيبتي واخلف لي خير منها)) بنفس اليوم شفت في منامي الفجر كأن حد يكلمني في المنام ويقولي تبي تحملي؟؟ اشربي بردقوش ..والله يابنات حكيت لأمي المنام وقالتلي اشربي بردقوش وواظبي على الدعاء والتضرع لله ونفذت الامر..وبثالث يوم الدوره تبخرت بالشاي الاخضر ( وصفة احدى العضوات)جزاها الله الف خير ..وكررت هاشي يومين ..وفي اليوم العاشر للدوره رحت اتابع التبويض وجاتني الصدمه الكبرى قالتلي الدكتوره ما عندش تبويض نهائيا والمفروض يكون بدأ لأن دورتي كل 26 يوم وطلبت مني فحص هرمونات كامل وخوفتني بكلامها وحطمتني رجعت بيتنا ابكي ,,واصلي وادعي وشوفوا رحمة رب العباد ..قبل الدوره بيومين عانيت من مغص فظيع وحموضه وكثرة االعاب سويت فحص بول للحمل وطلع ايجابي ..ورحت العياده وقالتلي الدكتوره مبروك انتي حامل ………….واخيراااااااا والله الدمعه في عيني من الفرحه
رحمة رب العالمين فوق كل شي ..ادوا يا بنات اتضرعوا وادعو من قلب صادق وابكوا وخاصة في السجود وقبل الفجر ساعه الله يجيب فيها الدعاء …والحمدلله وانصحكم اشربوا بردقوش مره باليوم واتبخروا بالشاي الاخضر من ثالث يوم الدوره …وانشاالله الكل يبشرنا ..ونفرح بكل بنات المنتدى المنتظرات الحمل
ادعولي الله يثبت حملي ويعوضني عن شهور الانتظار
اختكم الجديده زهور بريه