الحمدالله ولدت وهذي قصة ولدتي

هــــــــــــــــاي كروشــــــــــات كيفكم ان شاء الله تمام
باركولي ولدت وجبت احلى بنوته بالدنيا وهذا البيبي الثاني الاول ولد عمره 6سنوات وتوي احمل وشايله هم الولاده وخايفه لان الاول كان قيصري وتعبت مررره وتعقدت من الولاده ومن حملت وانا ادعي اني اولاد البيبي الثاني ولاده طبيعيه وحقق ربي هالدعوه الحمدالله والشكر وهذي قصتي نبدا والله سويت سالفه خخخخخ
اخر مراجعه لي كانت بعد اسبوع من دخولي الشهر التاسع رحت للمراجعه وعلى فكره انا اراجع بقوى الامن تبع زوجي قالت الدكتوره بعطيك موعد بعد اسبوع وبعطيك موعد تنويم بعد اسبوعين ونص لازم من الان عشان السرير رحت وختمت الاوراق وطلعت وكل يوم امشي اروح المراكز امترها تمتير وكان الجو بارد مره وشايله هم وخلاص احس بطني نزل وتغير مره ومن دخلت التاسع وانا تعبانه ثقل موب طبيعي المهم قبل الموعد بثلاث ايام رحت مشيت اسواق صارى كلها ههه وثاني يوم رحت اسواق غرناطه مترتها تمتير وثالث يوم ختمتها بايكيا مشيتها كلها وانا من دخلت التاسع ماحس بطلق نهاىي طلقي بارد زي البيبي الاول المهم وانا عند المحاسب بايكيا جاني شي غريب كأني فيني بول وابي حمام وانا مافيني بول استغربت مو مغص زي الحسره حسرانه وانا مابي حمام فهمتوو يعني ماقدرت اتحرك بس مافيني مغص وقفت لما خف حاسبنا انا وامي ومشينا وانا بالسياره جاني مره ثانيه نفس الشعور كان يوم جمعه رجعت البيت سهرت ونمت لما راح ولدي المدرسه لما صحيت افتح لولدي الباب الظهر يوم السبت دخل ولدي وانا اغير ملابسه نزلت مني مويه قد فنجان الشاي انهبلت من الخوف 😡 عرفت انو هذي علامات ولاده قلت بستنى اذا زادت رحت غديت ولدي ورجعت فراشي خفت اتحرك كثير وارسلت لزوجي قلت اني خايفه وعلمته بالمويه ارسلي بالبي بي قال ليه خيفه اجل تبين البيبي مايطلع من بطنك ابد خخخخخخ قال نامي واذا زاد جيت قلت اوكي نمت لما صحيت العصر دخلت دورة المياه اتوضى لصلاة وانا اغسل رجولي نزلت مويه كمان زي المره الاولي قد الفنجان قلت خلاص مايصير اجلس اكثر من كذا زوجي جاي من الدوام ونايم اتصلت بصديقة ماما بتقولو ليه ماتصلتي بامك اجاوبكم امي فيها قولون وخواااافه بالمررره ولدي الاول خوفتني من كثر مابكت رحمتها وبالاخير ولدت قيصري المهم اتصلت بصديقة امي وقلت لها قالت روحي حبيبتي المستشفى مايصلح تجلسين وقالت اشربي دارسين قلت اوكي صحيت زوجي الساعه 6المغرب وكان يوم السبت تاريخ4/2/1432هجري عاد زوجي انواع البرود صحى وتغدى وتحمم ماطلعنا الا الساعه 8وصلنا قوى الامن 9وربع ولدي خليته بالبيت مع الشغاله الحمدالله كنت جايبتها بالشهر تخيلو جتني قبل اولد باسبوع سبحان الله انا حجزتها وانا مدري متى اولد خليت ولدي عندها كان نايم ورحت دخلت الطوارى مرضى ومراجعين والمنظر يضيق الصدر انا خوافه وماحب اشوف هالمناظر 😛 دخلت قسم النساء والولاده تحت في الطوارئ كان فيه ثلاث فلبينيات مالهم نفس دخلوني وقالو شيلي ملابس عاد هنا بديت انتفض من الخوف قلت بخاطري ليتني ماحملت استغفر الله المهم قاسو الرحم قالو مفتوح ثلاثه سم ومافي طلق نهايئ ركبو جهاز دقات قلب الجنين وجلسو مافي غيري ومافي ابراج مقدر اتصل بزوجي ولا شي لحالي بعد ساعتين جت دكتوره سودانيه خشت قالت مفتوح 3سم ولا فيه طلق وراحت للفلبينيات بعدها بنص ساعه جتني قالت مدام انتي مافيك طلق بنسوي لك تحويل لمستشفى ابانمي قلت ليه قالت مافي سرير فاضي سويت لي تحويل وختمو الاوراق وعطوني ملف واوراقي طلعت منهم ورحت ابانمي اول ماوقفنا جابو العربيه ركبوني قلت مافيني شي قالو مايصلح عشان المويه تنزل دخلت وسو لي تحاليل من جديد 😳 قالو مستشفى اول مره تراجعين فيه لازم تحاليل جديده بعدين ودوني لغرفه وجتني دكتوره سودانيه بس بيضاء عسل والله نسيت اسمها مره ممتازه خشت على قالت نفس الكلام 3سم وقالت ماراح نستعجل عليكي مانبيك تولدي قيصري بنحاول طبيعي ونبي الطلق يجيك ولازم تتنومي عشان المويه تنزل منك ومايصير ترجعي البيت بنصبر عليك قلت اوكي تطمن زوجي وقال خلاص بروح البيت الولد لحاله مع الشغاله قلت اوكي نمت وصحيت الفجر قالو بنعطيك ابره فيها مظاد عشان يعوض الجنين عن المويه الي تنزل منك وعشان الجنين مايتضرر يعطوني ايها بالوريد توجع والم غير طبيعي حاره موووت كل اربع ساعات يعطوني ايها تخيلو جلست يومين مافي طلق اليوم الثالث قالو بنزلك لدكتور استشاري يشوف وضع الجنين ويسوي لك الترا ساوند نزلوني بالعربيه للعيادات دخلت كشف علي قال المشيمه عندك عليها تكلسات قلت يعني ايش قال يعني عجزت خخخخ صارت عجوز بس الجنين وضعه طبيعي جدا بس لازم تولدي بكره لازم طلق صناعي قلت سوو الي تبون انا تعبت يومين بالمستشفى ومافيني طلق وماعلمت امي ماتدري اكلمها عادي وماحسستها بشي احس ضغط نفسي قررو طلق صناعي بما انو مافيني طلق ولا جاني نهائي هذا الكلام العشاء يوم الاثنين تاريخ 6/2/1432ودوني غرفتي جابو العشاء تعشيت جت صديقة مامي تزورني وجابت تمر وسالت الدكتوه حقتي عن حالتي وعلموها جلست ساعتين وراحت وجت صديقتي شوي وراحت جت الدكتوره قالت نامي وارتاحي عشان الصباح بنسوي لك طلق صناعي قلت اوكي نمت الساعه 1اليل صحيت 4الفجر صليت وانا اتوضاء نزلت مويه كثيررره مررره تقريبا كل موية الجنين نزلت من الخوف حركت يدي ابضغط الجهاز عشان تجي النيرس انفكت الابره وطشر الدم الي بيدي حق ابرة لمضاد مت خوف جتني وعلمتها وغيرت الابره ومسحتني وجابو الفطور فطرت شوي مااشتهي احس نفسيتي تعبت الساعه 5 عطوني الحقنه الشرجيه الله يكرمكم اخ بس ماساة جاو اخذو اغراضي وشنطتي وقالو قفلي الجوال ارسلت لزوجي انو بدخل غرفة الولادة بعد ساع قال الله معك والله يسهل عليك غيرت ملابس ولبست مريلة الولاده واخذو اغراضي للامانات وغطوني بالسرير وووني الساعه 7وربع غرفة الولاده فتحت الغطاء من وجهي كني بموت ;)قامو يركبون جهاز تخطيط الجنين ومغذي وجتني استشاريه سعوديه تسالني ليه الاول قيصري ومن هالحكي جاوبتها قالت اوكي الحين بنحط الطلق الصناعي حوه الساعه 8 بعد نص ساعه جا مفعوله قمت اصيح وابكي وادعي يارب سهل علي وزاد الساعه 9ونص شالو الصناعي وانا مدري وكانو كلهم مجتمعين علي يبون يجيني طلق من ربي بدون الصناعي سالوني فيها الم قلت لا بعدها بربع ساعه بدا الطلق مره ثانيه فرحو وجت دكتورتي السودانيه فرحانه تقول فكينا الصناعي وهذا الطلق من ربي الحمدالله قمت اصرخ قلت الحمدالله بس طلقي يموت حار ناااااار مابين الطلقه والثانيه راحه والا كسجين جنبي اشفط منه واحس بدوووخه لما جت الساعه 2الظهر قالو مفتوح 5سانتي قلت كل هالعذاب وبالاخير 5 سانتي استغفر ابي عمليه قالو يمكن نولدك عمليه الطفل بعيد وانتي تعبتي واصرخ من الالم اقول ابي عمليه لما جت الساعه 3جا استشاري مصري قال بننتظرك ساعه اذا ماولدتي بندخلك عمليه قلت اي احسن افتك مره انا تعبانه من الطلق انهد حيلي قال خوذي نفس وحاولي نتمنى تولدي طبيعي قلت لا مابي تعبت راح وخلاني لما جت الساعه 4 العصر احس بشي غريب نهاية بطني قلت شوفي قيسي الرحم قالت بعدين مشكله يجيك التهاب كل شوي نقيس قلت قيسي الله ياخذك لما قاست قالت يووه مفتوح 7 يالله يالله ادفعي ويقربو كل شي ويجيبو الاجهزه والاشياء وانا اصرخ ويالله ادفعي وادفع واصرخ قالو خطا مو من حلقك ادفعي من تحت ولا تصرخي وادفع واحاول وجابو ركبتي لحد وجهي قالو عشان تقدري وشاده فخوذي ويالله ادفعي كلهك مجتمعين ويشدو معي ووسعو لي ويصرخو يالله يالله مداااام وانا خلاص عيوني احس تسكرت ماعاد تنفتح من كثر مااظغط ابيها تطلع وبنتي صغيره مادفعت انا علي الدفع كله واصرخ وسعو لي وشدوها وجلست اصرخ واصيح الحمدالله طلعت بنتي وادعي واحمد ربي بعد معاناة ثلاث ايام جبت احلى ميــــــــــــــــــــــــار بالدنيا بتاريخ 7/2/1432هجري الحمدالله يارب والله الولاده الطبيعيه تخوووف مررره
الله يولد كل حامل ويسهل عليكم كروشات ويهون عليكم ويجعل ولادتكم اسهل من ولادتي ياكريم طلعت خيطني وطلعت من الغرفه الساعه 8 العشاء لقيت زوجي وامي وابوي ينتظرون من العصر بالغرفه ضميت امي وبوست يدينها الله يعظم اجر امي وكل ام بالدنيا
طولت عليكم الحين لي 25يوم بالنفاس والوضع تمام اي احد يبي يستفسر ماعندي مانع