الحمام المغربي كما وعدتكم .. :)

طبعا زي ما وعدتكم في موضوعي الأول اني انزل لكم شرح ايش سار معايا في اول جلسه من الحمام المغربي واعطيكم الطريقه بالتفصيل وأخيرا سويت اول جلسه اليوم
وراح ابدأ معاكم واقولكم بس قبل كل شي دا رابط الموضوع الأول للي ما شافوه :

كل الي فوق دا كلفني 100 ريال بالزززبط
وركزو انو في اشياء اخدتها مالها علاقة بالحمام المغربي
أول شي راح أوريكم صورة جماعيه وبعدين راح أوريكم كل شي لوحدو مع سعرو..

هنا صورة الأشياء كلها..

طبعاً أول شي نجي لكرتون الحمام المغربي سعر الكرتون 10 ريال مع صورة توضح النوع للي سألوني وتوضح ايش في الكرتون وبعدين راح أوريكم كل شي في الكرتون لحالو

ودي صورتو

أول شي في 3 أشياء في الكرتون دا حنستغني عنها
1

صابونه عاديه ..تقدرو تقولو زيادة عدد بس

2

الليفه ماراح نحتاجها لأنها ناعمه ما تفرك كويس راح نحتاج نوع تاني من الليف انا عندي متوفر من أول بس راح أوريكم صورتو بعدين

3

برضو زيادة عدد المفروض تستخدم للرجول بس الرجول الله يكرمكم شغلها لحالو ماحس لها علاقه بالحمام المغربي..
كدا خلصنا من الأشياء الي في كرتون الحمام المغربي الي ما نحتاجها..

وراح أكمل باقي الاشياء بس الله يرضى عليكم ولا وحده ترد الله يخليكم عشان ما يتقطع الموضوع الين اخلص ..بلييييييز لحد يرد