عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يا بنات
بقولكم اليوم شو صار لي وعطوني رايكم
قمت الفجر بأمان الله اصلي ويوم خلصت سمعت صوت مثل اللي يخرخش في الاوراق واقول
ياربي دخل علي قطو ولا كلب
ويوم قمت الله لايوريكم شفت صرصوووووور طول بعرض واقعد اشاهق من خوفي وانزل بسرعه
الطابق اللي تحت واتم اتنافض والمشكله اني بروحي زوجي في المسجد وشويه والا اسمع نفس الصوت
المقرف واقوم من الخوف واقفه على الكنب وشويه ولاصاحب السمو نازل لا واللي قهرني ان قاعد يفحط
على جزمتي الله يكرمك واشاهق مره ثانيه واركض ادور بف باف واكبر نعال وارش عليه لين
ما هرب فوق واتم مكاني لين ما جا زوجي وشاف الصرصور ميت قدام الدرج تم ينازعني لاني زودت في رش البف باف حتى الارض صارت خرسانه من كثر ما رشيت
وقعدت بعدها ابكيييييييي من الخوف وهو يضحك علي ..
الله ياخذ كل صراصير العالم
والحين يابنات انا خايفه من البف باف لاني حامل في الرابع واخاف يأثر في الجنين
من غير الخوف اللي خفته قاعده اوسوس
ارجوكم يابنات طمنوني هل في هذا خطر الله لا يوري وحده منكم اي صرصور او حشره
واللي ماتعرف بس تدعيلي ان ما يصيب الجنين اي سوء
انا في انتظاركم يا فراشاتي
عن Idris karrar
شاهد أيضاً
اقوى علاج للعقم
بسم الله الرحمن الرحيم السلام عليكم ورحمة الله وبركاته إلى كل من شهد الليل دموعها …