عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
سالفتي واضحه من العنوان يابناااات
انا ابوي توفى من 6 سنوات وبعدها توفى اخوي ومن بعدها صارت امي انسانه محطمه
تحاول تلم نفسها لكنها مثل الطير الجريح
اليوم قالت لي انه في شخص متزوج مو من منطقتنا متقدم لها من خلال معارفنا من بعيد وعنده عيال
وهي موافقه و بما اني الكبيره علمتني بس عندي اختين اصغر مني باثانوي والمتوسط مايدرون
لما انفتح الموضوع من سنه خواتي انجنووو وقامو يبكوووون وسكرت امي الموضوع
والحين تقول هالاسبوع بيجي يتقدم رسمي وممكن تتم الملكه
وعذرها انها ماتبي تعيش وحيده لماالكل يروح بطريقه
انا ودي تكون مبسوطه بس في نفس الوقت اخاف من العواقب وكلام الناس ونظرة المجتمع لنا وكيف بيأثر علينا مستقبلا
قلت لها طيب ليه متزوج ؟ لو ماخذه ارمل او مطلق اهون
قالت المطلق والأرمل بياخذوني في بيتهم وانا ابي اظل في بيتي ومابي يتغير عليكم شي
بس يجي خميس وجمعه و بيأجر شقه واروح معه يوم او يومين وارجع لكم
بناااااااااااااات داخله على الله ثم عليكم وش اسووووووووي
ووش موقفكم لو صرتو محلي ؟ توافقون والا لا
تبي تملك بدون لا يدرون خواتي وانا عارفه ردت فعلهم بتكون عنيفه ومااااااااادري وش السواة !!! ❗
وللمعلوميه امي موظفه يعني مو محتاجه الرجال للفلوس
……..
