الحقوني ياتاجرات ويافراشات برأيكم ..

السلام عليكم كيف حالكم ياحلوات
بدخل بالموضوع ع طول ولا اطول عليكم
انا طلبت من اسبوعين من تاجرة جاكت وساعة
وارسلتها لي على شحن زاجل
والحمد لله وصلني الجاكت بس الساعة ماوصلت
والسبب
انها كانت شحنتين وكل وحدة في كرتون لحالها وكل وحدة لها رقم بوليصة غير
المهم
انا قعدت انتظر التاجرة اذا شحنت ترسل لي رقم البوليصة
وحولت لها المبلغ وانتظر انتظر ولا دقت ولا ارسلت
قلت بدق عليها يمكن جوالها مايرسل او نستني
المهم ادق عليها وماترد علي
وارسلت لها مسج وردت . تقول انها تعبانه وصوتها رايح فيها عشان كذا ماترد
الزبدة انا مابيها تكلمني انا ابي بس تعلمني عن شحنتي وش صار عليها
وقالت انها انشحنت من يومين ورقم البوليصة مع المندوب
واذا جا بترسله لي
وفعلا ارسلته لي . (( بس وش عقبه يوم انا ذكرتها .. ليش الوحدة لما تستلم فلوسها تنسى حق الناس ))
ودقت علي بعدها تقول ان المندوب غلط في رقمي وهو يحط الشحنة في زاجل وقالت لي اروح اخذها منها لانهم دقوا عليها وقالوا وصلت وينتظرون المستلم ..
عشان كذا تأخروا علي لا دقوا ولا بلغوني بوصول الشحنة برسالة
وبدت معاناتي من جديد
كل يوم اتصل ع زاجل ومرة مشغول ومرة ما يردون علي قعدت يومين على هالحالة
بعدين دقوا علي زاجل من المدينة (( شكل المندوب راح لهم وعطاهم رقمي صح )) المهم
بلغوني انها وصلت الرياض وطلبت منهم توصيل
واخيرا وصلوها بعد هالمكالمة بكم يوم
ويوم وصلت الشحنة لي تفأجأت ان مافيها الا الجاكت بس
والساعة اللي طلتها ماجت
رجعت دقيت عليها وماردت علي
وارسلت لها مسج وين الساعة ماجتني .. فرجعي لي فلوسي
قالت الفلوس ماترجع وهي بالرياض
وهذا رقم البوليصه
انا اندهشت رقم بوليصة غير الرقم اللي عطتني اياه
صار رقمين بوليصة وتوني ادري
رديت عليها بمسج وقلت ليش ماعلمتنيني من البداية انه رقمين كذا حقي ضاع
وردت انا مبلغتك ..شكلها مضيعة .. وانا حافظة كل رسائلها وشفتها ماجاني هالرقم
رديت عليها انا متاكدة وارجعي شوفي رسائلك هالرقم ماجاني
والمشكلة اني بضطر ادفع فلوس توصيل 120 ريال للشحنة ؟؟؟ انا وش ذنبي اتحمل خطأهم

وانا ارسل لها دايم عطيني المعلومات من اللي ارسلها وكم رقمه واي يوم انرسلت وارسلتيها في ايش كم كرتون ؟؟؟ وكل هالتفاصيل مطلوبة عشاني دقيت ع زاجل ابي اطلع حقتي وطلبوا مني كل هالمعلومات
وارسلت لها مرتين اطلب هالمعلومات ولا ردت علي
واكلمها ولاترد
ذنبي اتحمل قيمة توصيل مرتين ؟؟
ذنبي يضيع حقي ؟؟ امس رحت لزاجل وعطيته الرقم الثاني اللي عطتني اياها وقال لي الشخص اللي شرحت له مشكلتي
(( اختي سلامات الرقم غلط حق البوليصة ))
وتفشلللللللللللللللت وضاق صدري
وادق عليها وماترد لا باتصالاتي ولا مسجاتي وقعدت انتظرها شوي ماتحركت
قلت كودها ترد علي .. ولين الحين ماردت
وش ذنبي اروح واعني وادور حقي وبالاخير معلوماتي غلط واتفشل لانها عطتني الرقم غلط
وش اسوي ماعندي اي معلومه ولا عندي رقم بوليصة صح
واللي كلمته بزاجل يقول ليش ساكته لها اسبوعين واكثر وماتكلمتي ..قال لي حقك بيضيع وانت الغلطانه
قلت مهب ذنبي
ذنب اللي شحنها ومايرد علي
وفي الاخير ساعتي ضاعت
الساعة ماتسوى ب45 بس يعتبر حق من حقوقي لو ريال ان شاء الله بس ليش كذا تطنش ولاترد علي ولاتهتم
وليش ادفع 60 مرتين قيمة توصيل يعني 120 اغلى من قيمة الساعة حتى
وحتى لو دفعتها ساعتي وينها الحين .. انا كنت مستعدة ادفع ودقيت عليها وطلبت توصيل وتفشلت معلوماتي غلط البوليصة غلط
قالوا لي جيبي الرقم صح ودقي علينا
ماعندي رقم بوليصة ولا عندي معلومات الشخص المرسل ولا اليوم اللي انشحنت فيه ولاشئ
شوروا علي با بنات وش اسوي ؟؟؟؟؟؟؟؟؟؟
اول شئ غلطت في رقم جوالي
ثاني شئ ماترد علي وتطنش مسجاتي وانا مابي غير معلومات الشحنة ..
ثالث شئ والاهم ماعلمتني انها شحنت شحنتين وكل شحنة لها رقم بوليصة غير
عطتني رقم بوليصة وحدة وبعد ما انا حست ودورت اكتشفت فيه رقم ثاني لبوليصة الساعة
من الغلطان يابنات ؟؟
من بيعوضني عن قيمة الساعة ؟؟ وكيف توصلني الساعة ؟؟ والله نفسي فيها من 6 شهور واكثر
يحق لي اطلب منها ترجع لي قيمة الساعة؟؟ والا تتحمل فلوس التوصيل عوضا لي عن اللي صار كله ؟؟؟؟؟؟؟
بنات ابي رايكم في الموضوع
واللي مالها راي ترفع الموضوع بدعوة حلوة
يمكن التاجرة تشوفه وتتذكرني وتحس فيني ويهديها الله
ولحد يقول من هي التاجرة لاني مستحيل اقول ..
التاجرة معروفة والنعم فيها وكثير طلبوا منها وماصار بينهم شئ
بس انا حظي زفت معها …
راااااااااااااااايكم يابنات لاتحرموني منه …. والله ضايق صدري مره بسبب تطنيشها وبسبب اغلاطها اللي تحملت خسائرها …
ولاتقولون دقي عليها والا ارسلي لاني حسيت اني اطرها وهي ماترد لا ع اتصال ولا مسجات اخرتها قبل امس ..