عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته 00000
خواتي اكتب لكم معاناتي وانا في حالة مزريه من اليأس والاحباط000000
انا وحده حلوه وايد وايد وايد ودبه وايد وايد وايد000000000
تزوجت زوجي بعد قصة حب عنيفه ،زوجي مات علشان يأخذني لدرجة انه بكى يوم العرس من شدة الفرح واللحين اظنه يبكي من وضعي الحالي 0000
لما تزوجت كان عمري 23 سنه وطولي طبعا 168 اما وزني كان 70 كيلووووووو 00000واللحين وزني صار للاسف 102 كيلووووووووووووووووخلال ست سنوات من الزواج 😐
طبعا الأسباب معروفه أكل دسم وحلويات وايسكريم وشيبس وخرابيط 000000وزوجي الله يسامحه كان اييب وجبات سريعه وحلويات آخر الليل ويجبرني أكل معاه علشان افتح نفسه لانه ما يقدر ياكل شي من غير مشاركتي مثل ما يقول ولا ما يتهنى000وانا مستانسه على السالفه هذي000اما اللحين زوجي ما اييب
هالسوالف خير شر لما شافني بنفجر من المتن0 😆 🙂 000
وصرت أشترى هالخرابيط بالخش وأطلب الوجبات بالتليفون وقت وجود زوجي في العمل0
بصراحه لما اطالع روحي في المرايه اخترع من الكرش وطبقات الشحوم والله شعور صعب ودي أكسر المرايه0
طبعا قبل الزواج كان أكلي كله مشوي وامارس الرياضه يوميا لمدة 45 دقيقه اما اللحين فمثل ما قلت لكم اكل دسم وقعده0
الاشياء اللي لاحظتها على زوجي بعد ما صرت متينه:
بالنسبه للدوام اول يطلع منه اربع خمس مرات ويجيني البيت لاني وحشته0
اللحين ما أشوف رقعه ويهه الا بعد انتهاء الدوام0
بالنسبه للتبصبص على الحريم ا،اول ما يطالع اي وحده غيري 0
اللحين صاير يبصبص على الشينه والزينه حتى مذيعات التلفزيون يبقق عيونه عليهم0
أول يتصل لي اكثر من مره ويطرش لي مسجات غرام0
اللحين من أتصل له يقول شعدنج متصله قولي بسرعه وراي شغل0 👿
ولكن المعاناه الاكبر هي اني حاولت أستعيد رشاقتي وفشلت فشل ذريع000000مثلا أقعد الصبح أكل بيضه وقطعه توست والغدا مشوي ، وتعدي فتره العصر والمغرب واول الليل بسلام ، حتى يدق ناقوس الساعه11 وربي صرت اكره هذا الرقم 0000
في هذا الوقت تنفتح نفسي على الطعام بشكل مو طبيعي وأقعد أكل حلويات وشيبس وعصيرات وسنتدوتشات بشكل كبير وما أقدر أوقف الا لما اصاب بالتخمه!!!!!!!!!!!!!!!!!!!!!!!!!!!!!!
طبعا أقعد ابكي وأندب حظي العاثر واقعد أقول يا ربي ليش نفسي رديه ؟؟؟؟؟؟؟؟؟؟؟؟؟؟؟؟؟ 😆 hy:
حاولت أسوي رياضه ما فيني حيل كني عيوز عمرها 90 سنه ، رحت شريت فيتامين وزيت كبد الحوت بس للأسف لا نشطت همتي ولا شي 0000
عرضت على زوجي اسوي شفط دهون أو عمليه تحزيم أو تحوير معده رفض رفض قاطع لان هالعمليات خطيره وممكن أروح فيها 0000
وقبل يومين شريت جهاز المشي بس أشك أحصل نتايج وأكلي مثل ما قلت لكم !!!!!!!!!!!!!!!!!!!
حاولت أنام بدري ما قدرت لأني متعوده على السهر بحكم عمل زوجي 0000يرجع اخر الليل ولازم انتظره علشان اطمن عليه وأشوف اذا يبي شي00
يمكن البعض يقول زوجي شرير لانه لازم يهتم بالجوهر وليس الشكل ، لكن ظليمة الريال شينه تراه طيب وحنون وما يقصر معاي بشي ، والتغيرات اللي حصلت عليه طبيعيه وما ينلام لاني مثل ما قلت لكم أنا أخترع لما اشوف نفسي بالمرايه والله يعينه ويعيني على البلوى0
أول لبسي كله جينزات وقصير واللحين البس له جلابيات 0000(حشى ماخذ عيوز ) 😥
خواتي شسوي ابي نصايحكم وكلام يواسيني ويمكن يغير من وضعي الاليم علما باني عملت فحوصات سكر وغدد والنتائج سليمه 00000
نفسيتي تعبانه وايد وابي حل ابي احد يشجعني وينور لي طريقي المظلم في انتظار الردود يالغاليات وجزاكم الله الف خير 0000
