الحـزن عاثي فينيِ ,

صباحكُم تباشير الفرح يارب

انا مسجله مخصوص لهالسوالف ..
انا كان سبب طلاقي صغر عقله ودلوع أمه و يغار من أهلي و يحب يحقرني وبخيل و دايم يغايرني بخواته بس انا أحبهُم وما اغار منهم واتمنى ربي يزيدهًم خير و أوضح هالنقطه دايم و يزيد حقد وكره لـي !! و لو تصير مشكله بسيطه و يشوفني هاديه و الّا أهديه و افهمه انا نحل مشاكلنا بينّا كيذا ينقلب فرعون و يذبني ف بيت أهلي و تعالوا اسمعو الأخبار و السوالف و الإضافات اللي يضيفونها أهله لدرجة اني مرّه شاريه من ماك وجبه و انا إذا زعلت ما أكل و جينا بندخل البيت رميت الوجبه في الزباله و خذت البيبسي الموهيم يوم كبر الزعل جت أمي تقول ان خالتك تقول انّك كابه الأكل من فوق طاولة المطعم ” يعني قدام الناس”
و المشكله ان الكلام ينتشر بين الحريم و تخيلوني أروح اقنع وحده وحده أنه كذب ومن بيصدقني !!! يمكن ما تصدقون كلامي بس هذا فيض من غيض والله ان فيه سوالف أدهَى و أمر حتى تربيتي و ستري يشكك الناس فيها حسبي الله عليه
ما احب اتكلم فيه بس أنجبر عشان انعذر و انا ” كارهته” زي كرهي للدم
بس انا مشكلتي اول ما تطلقت جلست سنه كاملَه أحسني قويَّه حتى أقول الطلاق شي سهل لإني أصلاً متزوجه و انا ما أبيه وما ملا عيني بس ضحّيت عشان هو من قرايبنا ومابي اصير سبب لتفرقه بين الأهل
بس شوفو في النهايه انا اللي أكلتها طلعو عني كلام مو فيني
وهو الحين متزوج مع وحدَه و زوجته حامل ” زوجتَه عسله وحابته و راضيه فيه وهي بعيده يعني ما تدري شيصير من وراها من كلام و بلاوي ”
وانا احب زوجته والله و تخيلو حتى هي موريها الويل بس ان شاء الله عشانها حملت يعقل لها
عمري الحين 22 و متزوجه وانا بأول ال19 تطلقت بعد سنتين تقدرون تقولون سنه السنه الثانيه كلها شهر في بيت أهلي و أسبوع عندَه
بس بنات جد أحس بضيقَه و أصيح مدري شفيني مع اني ما احبه و صدقوني مو بالي مع الزواج مرّه انا الحين درست وفرحانه اني أدرس بعد عناء بس مبسوطه بحالي الحين
و يتقدمون لي ناس صح كبار و متزوجين وكيذا بس عادي
و انا متفائله و قويه بس صايره ضعيفه مرّه ودموعي علطول تطيح لمى افكر بحالي
والله أسفه ادري طوّلت بس جلست أفكر كثير من أشكي له ومالقيت الّا الله ثم انتم أفضفض لكُم شوي
ساعدوني بأدعيه انصحوني خلوني اتفائل الله يسعدكم ويفتح ابواب الخير بوجهكُم ..
و لكُم دعوات صادقَه بظهر كلنا ندعي لبعض بظهر الغيب