عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اخواتي ساعدوووني انقذوووووني انا تقريبا من سنة او اكثر شويه جاتني حساسية في( العين والانف) ومن سوء حظـــــــــــــي اني اسكن في دور ارضي في(الحرمين) اسوء منطقة في جدة من ناحية الغبار لانها منطقة جديدة وكلها عماير بتتعمر والشوارع الحمدلله معدوووومة !!
عمري ماكان عندي حساسية فحياتي ولا اعرف عنها شي من بعد ماجبت بنتي بدات احس باعراضها،، وبعد فترة قررت اروح لدكتور انف واذن وحنجر واعطاني بخاخ للانف وحبوب اخدها كل يوم قبل النوم.۔
المهم استمريت عليها ومشي الحال خفت الحساسيعة وارتحت،، المشكلة اني من ساعة ماحملت دكتورتي قالت وقفيها خطر على الجنين في الشهور الاولى ولما تدخلي الرابع تستشيري الدكتور افضل !!
وانا من يومها حالتي مذرررررررررية وربي انهلكت احس نفسي حموووت من الحساسية والله كل يوم وهيا في زيادة وبيتي مليااااااان غبار قد ماانظف مافي فايدة وربي يئست وتعبت!!
عيوني احسها خلاص مره ملتهبه من كثر ما احكها سارت تحرقني وبس تدمع ومنفخه،، وخشمي على طوووول مسدود،، وبس اعطس لدرجة سقف حلقي وادني سارت تئلمني!!
يايش اسوي؟؟ مين جربت واتعالجت؟؟ والله سرت خايفه اني اخدها وتطلع خطر على الجنين!! انا صحيح لازم اروح لدكتور بس ابغى اعرف من ناس مجربين احسن !!
والله لما اخرج من بيتي تخف مررررررره بنسبة ي70 % ومن يووووم ماادخل بيتي ولا المنطقة الي ساكنه فيها على طول تتور عليا والله عبت منها وجهي على طول سار منفخ نادرا مايعدي يوم بسلام في البيت واغلب الايام معاناة مع الحساسية والحمدلله.۔
حتى اني خايفه على بزورتي والبيبي الجديد ازا انا مني قادرة اتحمل كيف هما!!
الله يسعدكم ريحوني وقولولي رايكم وخصوصا صاحبات الخبره.۔
تحياتي للجميع والله يبعد عنكم الشر
