الحب في السعوودية

طبعا انا بطلع لك الفضايح وبكشف لكم كل الاسرار 😆 🙂 ههههههه
والله يستر بس لاحد يفقع وجهي بسبب الموضوع

اول كلهم يمشون بالسوق

الشباب 😳 سارق شماغ خويه البسام الجديد وعقال الي يداوم فيه اصلن بالسياره
وعطره له خمسين سنه بدرج السياره عشان اذا دخن يعطر السياره
عشان ابوه مايدري ههههه ولا نظاره سودا من ابو ريالين

الــبنات 😉 عبايه ضيقه ومخصره والوجه كيلو مكياج والعيون انواع الكحل 😡
ولابسه عدسات انواع واشكال ولا تلقى نقشه عالعبايه هاذا صار فستان
مصارت عبايه وام الشباب لثمه وين رايحه الاخت ولا برقع وش قصره
مابقى الا تخلي وجهها ماغطت شي الاخت

المهم وكلن يشر بجواله ((تم الترقيم )) حلوه تم الترقيم هههههه

المكالمه الاولى

الشاب / الو هلا والله بالغلا هلا بك وش الاخبار >> تقول يعرف البنت له خمسين سنه وش اسمك يالغلا >> ارحم امك اول مكالمه خل البنت تتنفس شوي هههههه

البنت / تسوي نفسها مستحيه الوو >> ياله تسمع الصوت تقول صوت بزر اربع سنوات اسمي نوف ولا تقول نوره الدلوعه >> ارحم يالاسم لو احلف اسمها حصه ولا عمشاء

الشاب / حلو اسم بلوتوثك انتي الي مختارته

البنت / لا هاذا اختي مختارته لي ولا انا ذوقي مو كذا ذوقي احلى
بانت النصبه الجوال مو لها هههههه جوال امها ولا جوال الشغال ماخذته تكشخ

الشاب / انا اسمي فهد ولا سلطان وعمري 25 وانتي ياقلبي >> مسرع صارت قلبي والنصاب اسمه مناحي ولا عايض وعمره 35 بس مسوي يتميلح شوي

البنت / انا عمري 16 وتسكت ينقال لها مستحيه الحين هههههههه
سلطان اوصف لي شكلك ماشفتك زين بالسوق كنت مستحيه اناظر بالارض
وين يآم الشباب ترقمين وتناظري بالارض هاذي وين اصرفها هههههه

الشاب / الصراحه انا جسم مهند الي مع نور تعرفينه وجهي مثل خالد عبدالرحمن
يرحم امك وش هالترقيع دور غيرها لو قلت المنتشري اصرف لك ويقول وانا بعد ماشفتك كنتي لابسه عبايه ههههههه اجل تبيها تلبس فستان بالسوق وتمشي

البنت / انا والله شعري مثل شعر نانسي ومو طويله مثل نوال الزغبي
وعيوني حلوه مثل ديانا حداد يرحم امك لاتكونين ملكه جمال العالم على غفله

طوط طوط ينقطع الخط خلص رصيد الولد ويروح اقرب بقاله شحن خمسين سوا

المكالمه الثانيه

الشــآب/ مــعليش يالغلا البطاريه فضت ههههههه اقرب مخرج

البنت / لا عاد ماصار شي انا الحين بروح للمطعم الي بالعليا انا واخوي
وهي توها مسويه العشاء نص حبه بخاري وفارشه السفر على الارض

الشـآب / وانا توي بقول اني بروح للمطعم بعد وهو مطفر حتى الريال ما معه
الله يخلي الاندومي هههههههههه

الشـآب / انتي شكل اهلك مدلعينك وماتشتغلين بالبيت

البنت / حبيبي وش هالكلام اكيد مدلعيني وعندنا خدامتين بعد
هههههه وهي كل يوم ترفسها امها تغسل الصحون وتسوي الاكل

البنت / حبيبي ودي اطلبك طلب

الــشآب / هلا قلبي امر لو تبين عيوني فداك ايه البنت فداك ولو خويك يطلبك ريال تقول مافيه والله نذاله ههههههههه

البنت / انا جوالي اذا ماشحنت اليوم بينقطع وانا الحين ماعندي احد يجيب لي بطاقه عطني وانا بردها لك بعدين افلقيني اذا رجعتيها ههههههههههه

الشآب / يطير اقرب بقاله سوا 100 عيوني فداك لو تبين 1000 عطيتك
وهو متسلف الميه ما معه الا قمل ثوبه هههههه

البنت بعد ماتاخذ البطاقه طوط طوط والرقم تقفله اسبوع

وهو المسكين متعذب حبيبتي هههههههه ارحم يامهند ونور